Eaa ta te Pipiria e Akakite Ra?
Koai e eaa te Tiaporo?
KA KARANGA KOE i te Tiaporo . . .
E vaerua ainei?
E akatutuanga no te kino i roto i te tangata?
E mea akamanakoia e te tangata?
AKAKITE RA TE PIPIRIA E
Kua tuatua te Tiaporo e kua “timata” ia Iesu. (Mataio 4:1-4) No reira kare te Tiaporo i tetai mea akamanako uaia, e kare katoa i te akatutuanga kino. E vaerua kino tikai aia.
EAA ATU TA TATOU KA APII MEI TE PIPIRIA?
I te akamata anga, e angera tapu te Tiaporo, inara “kare aia i mou i te tuatua-mou.” (Ioane 8:44) Kua riro mai aia ei pikikaa e kua patoi i te Atua.
Kua piri tetai au angera ki ta Satani patoi anga.—Apokalupo 12:9.
Te akapoiri nei te Tiaporo i te tangata e te vaira aia.—2 Korinetia 4:4.
Ka rauka ainei i te Tiaporo i te akatere i te tangata?
KARANGA ETAI TANGATA e akavare anga pikikaa te Tiaporo, e etai pae te mataku ra ka uruia ratou e te au vaerua kino. Eaa ra toou manako?
AKAKITE RA TE PIPIRIA E
“Te vai ua nei rai to te ao ravarai i raro ake i taua vaerua kino ra.” (1 Ioane 5:19) E akakeuanga maata to te Tiaporo ki runga i te tangata, inara kare aia e akatere ana i te tangata tataki tai.
EAA ATU TA TATOU KA APII MEI TE PIPIRIA?
Te taangaanga ra te Tiaporo i te tu akavare ei akamaata atu i tona mana akakeuanga. —2 Korinetia 11:14.
I etai taime, ka akatere te au vaerua kino i te tangata.—Mataio 12:22.
Ma te tauturu a te Atua, ka rauka ia koe te “patoi atu i te diabolo.”—Iakobo 4:7.