Are Uipaanga Patireia Porokaramu Patuanga Tere ki Mua
1 I te 1987, kua akakite te kapi o roto ake i te Kingdom Ministry o Me e e tuanga moni takake tetai ka akanooia ei tauturu i te patuanga e te maani akaou anga o te au Are Uipaanga Patireia i roto nei ia Nu Tireni. Kare ra tatou i kite ana eaa te au akameitakianga ka tupu mai mei te au akamataanga rikiriki ua. Kua akamata tatou i reira i te kite ma te ki katoa i ta Salamo 92:4 i tuatua ma te tau tikai e: “Te akarekareka maira oki koe iaku, e Iehova, i taau i rave ra: ka umere parua au i te angaanga a to rima.”
2 I teianei te rekareka maata nei tatou i tei akatupuia nei. Noatu i na teea mataara, e tikaanga ngateitei to tatou pouroa i te piri ki roto i teia angaanga nei. Ka rave tatou na te oronga meangiti ua anga me kore te oronga maata anga i te tauturu oronga ua i te pae moni ei tauturu i te tutaki i te patuanga o te au ngai akamorianga maata akaou atu i roto nei ia Nu Tireni. E manganui te au taeake tei oronga i ta ratou au apinga angaanga pera katoa to ratou taime, te au tu marama, e te kite i roto i taua au angaanga ra. I puapingaia ai te akanoonooanga katoa no ta Iehova aratakianga, tauturu, e te akameitakianga maata ki rungao i ta tatou au tautaanga taokotai.—Salamo 127:1.
3 I te au Are Uipaanga Patireia i roto nei ia Nu Tireni e pia tetai e tuku ana te au papuritia i ta ratou tauturu oronga ua no te Kingdom Hall Fund. Ko teia moni nei kua akatapuia ki te tutaki anga i te au angaanga patuanga i roto ua nei ia Nu Tireni. Mei te akanooia anga mai o te Society Kingdom Hall Fund i te 1987, e maoraora tikai te tauturu a te au taeake, i rauka ai i reira te au rounu no te patuanga Are Uipaanga Patireia. E itu ngauru ma itu au putuputuanga i roto i teia enua tei puapingaia mei teia akanoonooanga nei. Ko te tika anga kare tikai e rauka i te au putuputuanga e manganui i te patu i te au Are Uipaanga Patireia ou me kore ra i te akamanea akaou i tei anoanoia i te ripea.
4 Inara, kua tae te tuatau no te akamaata i ta tatou i manako mai ana ki vao ake i ta tatou au umuumuanga o konei. I teia tuatau te vai nei tetai porokaramu patuanga Are Uipaanga Patireia i te ao katoa nei. Ka anoano rapurapuia te tauturu no te au putuputuanga i roto i te au enua putaua. I roto i te ngai o to tatou uaorai manga, i anoanoia ana te tauturu i te pae moni e te patuanga i Niue, i Rarotonga e Tonga. Teianei, ko te au apinga i roto i te Society Kingdom Hall Fund no te au angaanga patuanga anake ua i roto nei ia Nu Tireni. Te raveia nei tetai au akatanotanoanga ki ta tatou ture orongaanga tika kia rauka i te tuku atu i te moni ki te au angaanga i te au enua ke atu. No teianei ra, me te inangaro ra koe i te oronga tauturu ki te au angaanga patu anga teokaratiki i tetai au enua ke, kia tika ine e tuku i tetai tieke moni ki te “Watch Tower Society” e te tata kia taka meitaki ki muri i te tieke moni e no te “overseas projects” teia moni. E tauru i te tieke moni ki roto i te pia “Contributions for the Society’s Work−Matthew 24:14,” me kore e tuku tika atu ki te opati manga. Ko teia au tu tauturu oronga ua kare e rauka i te maani i tetai rititi no te akakoroanga kia rauka mai te puapinga mei te tero.
5 Te aere ua atu nei rai te anoano no te patuanga Are Uipaanga Patireia i te ao katoa. E manganui teia au putuputuanga tei Aperika, Asia, Marike Rotopu e te Marike Apatonga, e te Europa Itinga. E maata tei akatupuia no te maoraora o te tauturu oronga ua a te au taeake tungane e te au tuaine i roto i te ao. Kua ripoti mai te 2001 Yearbook: “Ma teia au akanoonooanga nei, i roto i te 30 enua, e 453 Are Uipaanga Patireia i oti, e e 727 akaou mai au are e patuia maira. Kua tukuia te akapakarianga ki runga i te maani anga i te au parani Are Uipaanga Patireia ki te turanga tau no te enua tataki tai te ka taangaanga i te au apinga e te au ravenga o reira. I Kenia, e toka vavaiia te raveia ana; i Toko e piriki te matauia ana i te taangaanga; i Kameruno te mea inangaroia e piriki timeni e oti ka parati ei. Na teia mataara nei, ka rauka viviki ua i te au taeake te kite ka anoanoia no te rave i te au tuanga angaanga puapinga i roto i tetai porokaramu enua.”
6 Ka kiteia te akairo o ta Iehova au akameitakianga i teia porokaramu ki runga i te enua maata o Aperika. Ia koe e akarakara ra i tetai o te au tutu o te au Are Uipaanga Patireia tei patuia, e akamanako ua ana i te puapinga ta teia tu patuanga i akatupu ki runga i te angaanga a te Au Kite o Iehova! E tika rava teia i roto i e toru tuanga taka meitaki—te tu rotai o to tatou akataeakeanga i te ao katoa, te akakeuanga ki runga i te tangata o tera ngai, e te tupu maata o te aronga e tae mai ana ki te au uipaanga. Noatu te akakite mai nei teia kapi o roto ake i te au Are Uipaanga Patireia tei patuia i Aperika, ka akara ra te au tataanga o Ta Tatou Angaanga Patireia no te tuatau ki mua e te akapeea ra te porokaramu Patuanga Are Uipaanga Patireia i te tere anga ki mua i roto i te au ngai ke atu o teianei ao.
[Au Tutu i te kapi 3]
APERIKA ROTOPU REPAPURIKI
Bimbo, Bangui
Begoua, Bangui
[Au Tutu i te kapi 4]
Ukonga, Tanatania
[Tutu i te kapi 4]
Accra, Kaana
[Tutu i te kapi 4]
Salala, Riperia
[Tutu i te kapi 4]
Karoi, Timipapue
[Au Tutu i te kapi 4, 5]
Allada, Penini—Are Uipaanga Patireia mua
Allada, Penini—Are Uipaanga Patireia ou
[Tutu i te kapi 5]
Kpeme, Toko
[Tutu i te kapi 5]
Sokodé, Toko
[Au Tutu i te kapi 4, 5]
Fidjrosse, Penini
[Tutu i te kapi 6]
Lyenga, Tamapia—Are Uipaanga Patireia mua
[Tutu i te kapi 6]
Lyenga, Tamapia—Are Uipaanga Patireia ou
[Tutu i te kapi 6]
Kinshasa, Kongoko
[Tutu i te kapi 6]
Musambira, Ruanata