Pia Uianga

◼ Me akakitekite na roto i te terepaoni, ka tau ainei kia akamarama atu tatou no runga i te akanoonooanga o te moni tauturu?

Me ko tatou tikai te oronga ra i te akakiteanga, e tau ake kia akamarama e ko te angaanga apiipii Pipiria a te Au Kite o Iehova i te ao katoa te turu pouroa ia nei e te au tauturu oronga ua e ka rekareka roa tatou i te ariki i taua tu tauturu ra. Inara, kare e taikuanga no te moni tauturu me kore te akanoonooanga no te moni tauturu e tau kia tuatuaia me akakitekite na roto i te terepaoni, ko te manakoia mai teia e e tu patipati anga na roto i te terepaoni. Te angaanga orometua a te Au Kite o Iehova kare te reira i te mea kimi moni i te au tu ravarai.​—2 Kori. 2:17.

◼ Me akakitekite na roto i te terepaoni, eaa te ka tau kia rave tatou me pati mai tetai tangata e auraka te Au Kite o Iehova e ringi akaou atu?

E mea tau kia akangateiteiia te manako o tera tangata. E tata i te ra ma te ingoa o tera tangata ki runga i tetai pepa ka tuku ei ki roto i te tikiro vairanga mapu kia kore te au papuritia e ringi i tera numero i te tuatau ki mua. E tai taime i te mataiti, kia akara akaouia te ingoa o te au tangata tei pati mai e auraka tatou e ringi akaou ake. I raro i te akatereanga a te akaaere tavini, e tuku ei au papuritia tau, te matakite kia atoro i teia aronga nei i te akara e mei teaa to ratou turanga i teianei.​—Akara i te Pia Uianga o te Our Kingdom Ministry o Tianuare 1994.