Te Au Uruoaanga Tapere e te Pa Enua ka Akakeu ia Tatou kia Akakaka i te Atua!
Te Au Uruoaanga Tapere e te Pa Enua “E Akakaka i te Atua” tei raveia mai ana e tae mai ki teianei kua riro ei oronga i tetai akakiteanga maata. Kua riro teia au tupuanga teokaratiki puapinga ei akateitei i to Iehova ingoa e te akamaata atu i to tatou kite i te “o atu kia Iehova i te kakā e tau ki tona ra ingoa.” (Sa. 96:8) E tika rava e, kua tau kia akakakaia aia no tana au angaanga umere i anga, ko tei akaata mai i tona au tu umere.—Iobu 37:14; Apo. 4:11.
Taangaanga anga i te au uianga e aru mai ra kapiti atu taau au tataanga uaorai, e akapapa e kia piri atu ki roto i te uriuri akaou anga i te porokaramu uruoaanga te ka raveia a te epetoma o Titema 1.
1. Akapeea te au mea ora kore tei angaia i te akakite anga i to te Atua kaka, e akapeea te reira i tuke ei mei te mataara e akapaapaa ra te tangata iaia? (Sa. 19:1-3; “Te Au Mea i Angaia te Tuatua nei i te Kaka o te Atua”)
2. Eaa te tu tika tikai o teianei ta te akaumuanga e akaata ra, e i na teea mataara te au Kerititiano o teia tuatau i akakeuia ai e teia tu tika tikai? (Tuatua puapinga maata, “Te Akakeu nei te Au Orama Kaka Totouia ia Tatou!”)
3. Akapeea tatou me tatanu i te tu akaaka tei akaariia e Daniela, e akapeea tatou e puapingaia ai mei te rave anga i te reira? (Dani. 9: 2, 5; 10:11, 12; “Akaariia to Iehova Kaka ki te Aronga Akaaka”)
4. (a) Eaa te au apinga e toru no runga i te akavaanga tu-Atua ta tatou ka kite mei te totou a Amosa? (Amosa 1:3, 11, 13; 9:2-4, 8, 14) (e) Eaa te au apiianga tau ta te Au Kite o Iehova i teia tuatau ka kite mei te akatauanga akamatakite tei kiteaia ia Amosa 2: 12? (“Te Totou a Amosa—Tana Karere no to Tatou Tuatau”)
5. (a) Eaa te au kino o te taangaanga tau kore anga i te kava, noatu e kare te tangata e kona? (e) Akapeea penei e rauka ai i te akatikatika i tetai manamanata no te tu tau kore o te inuanga kava? (Mareko 9:43; Ephe. 5:18; “Kopae i te Ereere o te Inuanga Tau Kore i te Kava”)
6. Te akapeea nei koe i te puapinga angaia mei te puka ou “See the Good Land”? (“‘Te Enua Meitaki’—te Akaarianga Mua no te Parataito”)
7. Na roto i teea au mataara e toru ka ‘akaata ai tatou mei te io ra i te kaka o Iehova’? (2 Kori. 3:18, NW; “E Akaata Mei te Au Io ra i te Kaka o Iehova”)
8. Eaa te tumu no te makitakitaanga tika kore, e eaa te ka tauturu ia tatou kia tamou marie i to tatou tiratiratu noatu e te kite ra i taua tu makitakitaanga ra? (Sa. 109:1-3; “Makitakitaia ma te Kore ua e Tumu”)
9. Eaa te tu manako mei to Karaiti no te tu maata tikai, e akapeea tetai tangata i te akapapu anga e ka anoanoia aia kia akatupu pu tikai i teia manako nei? (Mata. 20:20-26; “Tatanu Anga i Tetai Tu Manako Mei to Karaiti no te Tu Maata Tikai”)
10. Eaa te ka tauturu ia tatou kia vai maroiroi ua i te pae vaerua noatu te tu roiroi i te pae kopapa? (“E Roiroi Kare ra i te Roiroi Takiri”)
11. Eaa tetai o te au akaaerenga e na roto ra a Satani i te akatupu anga i te pikikaa, e eaa te pauanga Tuatua Tapu tau ki te au titauanga kia tarurike i to tatou akarongo? (Ioane 10:5; “Kia Matakite i ‘te Reo o te Tangata Ke’”)
12. (a) Akapeea te au metua i te aru anga i ta Iesu akatauanga tei tataia ia Mareko 10:14, 16? (e) Eaa toou manako no runga i te puka ou Learn From the Great Teacher? (“Ta Tatou Tamariki—E Tuanga Akaperepereia”)
13. Te akapeea nei te au mapu i te akapaapaa anga ia Iehova? (1 Timo. 4:12; “Akapeea te Au Mapu i te Akapaapaa Anga ia Iehova”)
14. Eaa te au akatutuanga mei te nuku “Akakitekiteanga Maroiroi Noatu te Patoianga” tei tupu ua mai i roto i toou manako?
15. Ka akapeea tatou me aru i te akatauanga tei akanooia e (a) Petero raua ko Ioane? (Anga. 4:10) (e) Setephano? (Anga. 7:2, 52, 53) (nga) te putuputuanga Kerititiano o te anere mataiti mua? (Anga. 9:31; nuku e te tuatua e “Akakite i te Tuatua Meitaki ‘ma te Kore e Tuku Ua’”)
16. (a) I akatika tatou i te akakaka i te Atua na teea mataara? (e) Eaa te akapapuia maira kia tatou ia tatou e taangaanga ra i ta tatou i kite i ko i te Au Uruoaanga “E Akakaka i te Atua”? (Ioane 15:9, 10, 16; “‘Kia Maata to Kotou Ua Anga’ ki to Iehova Kaka”)
Na te manakonako anga no runga i te ikuikuanga meitaki i te pae vaerua tei orongaia mai i ko i te uruoaanga, ka akakeuia tatou kia taangaanga i te au apinga ta tatou i kite. (Philipi 4: 8, 9) Ka riro teia ei akaketaketa i to tatou manako papu i te ‘rave te au mea ravarai ma te akakakā i te Atua.’—1 Kori. 10:31.