Te Akakeu ra te Uruoaanga Tapere ia Tatou kia Aaere ma te Atua
Mei teaa tikai ta te Uruoaanga Tapere e “Aaere ma te Atua” i te ripiti anga i ta Iehova aratakianga taka meitaki: “Teia te mataara. E aaere na reira, e toku iti tangata”! (Isa. 30:21, NW) Akonoanga i te ikuiku tei rauka ia tatou ka tauturu ia tatou kia ‘matakite i to tatou aerenga.’ (Ephe. 5:15) Akamanako oonu anga i runga i ta tatou i kite mai ka tauturu ia tatou ia tatou e “akono [ra] i te tuatua-mou.”—3 Ioane 3.
E taangaanga i te au uianga tei aru mai kapiti atu ma taau uaorai au tataanga i te teateamamao e kia piri atu ki roto i te uriuri akaou anga i te porokaramu uruoaanga no teia mataiti. Ka raveia te uriuri akaou anga i te Uipaanga Tavini Anga i te epetoma o Titema 13.
1. Akapeea a Enoka i te aaere anga ma te Atua noatu i te nooanga i roto i te au tuatau kino tikai? (Ebera 11:1, 5, 6; Iuda 14, 15; “Aaere ma te Atua i Roto i te Au Tuatau Kikino”)
2. I roto i teea au tu no te oraanga penei ka rauka te kaveinga ia Luka 16:10 i te akonoia? (“ ‘Te Akono Meitaki’ ra Ainei Koe i te ‘Mea Ngiti’ ”?)
3. (a) E akakite mai e a apiianga tau tei kiteaia ia Hosea pene 6 e aere atu ki te 9 te ka tauturu ia tatou kia aaere ma te Atua. (Hosea 6:6, 7; 7:14; 8:7) (e) Eaa tetai au tumu manako ke akaou atu mei ia Hosea pene 10 e aere atu ki te 14 e tauturu ra ia tatou kia aaere ma te Atua? (“Te Tauturu Maira ta Hosea Totou ia Tatou kia Aaere ma te Atua—Tuatua Kapipiti”)
4. Eaa te au apinga tau te ka rauka i te au tane e te au vaine Kerititiano i te rave kia akaketaketa ua atu i to raua oraanga akaipoipo? (Maseli 12:4; Ephe. 5:29; “Auraka e Akataka Ke Atu ‘i ta te Atua i Topiri’ ”)
5. Akapeea tatou i te akaarianga i te tu ngateitei no ta tatou au akaputuputuanga tapu? (Kohe. 5:1; Isa. 66:23; “Akaari Anga i te Tu Ngateitei no ta Tatou Au Akaputuputuanga Tapu”)
6. (a) Eaa nga tuanga puapinga e toru o ta tatou angaanga tutu anga ka tau tatou kia akara matariki i te akapapu e e pirianga puapinga to tatou i roto i te reira? (Isa. 52:7; Zeka. 8:23; Mareko 6:34) (e) Eaa te au akaariarianga o te puka Good News for People of All Nations taau i kite mai ei mea puapinga tikai? (“Good News for People of All Nations”; “E Tuatua Meitaki no te Au Tangata o te Pa Enua Katoa”; “Tauturu Anga i te Au Tangata te Tuatua ra i Tetai Reo Ke”)
7. Akapeea tatou i te tauturu anga i te aronga ou kia rauka i te tu katau i te orongaanga i te karere o te Patireia? (Te Au Akava 7:17; “Tauturu Anga i te Manganui kia Piri Mai kia Tatou i Roto i te Angaanga Orometua”)
8. Akapeea tatou i te akaarianga i to tatou irinakianga e “kua vaitata te rā maata o Iehova”? (Zepha. 1:14; “E Aerenga Akarongo, Kare i te Aerenga Kite Mata”)
9. (a) Mei teaa tikai te kino i te turanga no te turori anga? (Mareko 9:42-48) (e) Akapeea tatou i te kopae anga kia kore e turoriia? (Sa. 119:165) (ng) Akapeea tatou i te kopae anga kia kore e turori atu i tetai ke? (1 Kori. 10:24; “Kopae Ke i te ‘Turori Anga i te Tangata Ravarai’ ”)
10. Akapeea tatou i te tamou marie anga i te tu tau me tae mai ana ki te kimianga i tetai tokorua akaipoipo, aruaruanga i te oraanga kopapa meitaki, e te akonoanga i te au apinga i te pae pitiniti? (Sa. 26:4; Mata. 6:25; 1 Timo. 6:9; “Kia Akono Meitaki”)
11. (a) Eaa te kite maataia ra no runga i te au tuatau i rekareka ai a Iesu i te tu aroa takinga meitaki o tetai ke? (Luka 10:42; 24:32) (e) Akapeea tatou i te akamerengo anga i te au inangaro no te tamataora i te tu e ka akaruke te reira ia tatou e tetai ke kia manako akaoraoraia? (1 Kori. 10:31-33; “Te Au Angaanga Tau Tikai te Akaoraora Ra”)
12. Kia tau ki te 23 Salamo, eaa te au akameitakianga tei rauka ia tatou ei au mamoe na Iehova, e eaa ta tatou au apainga? (1 Kori. 10:21; “Ko Iehova to Tatou Tiaki”)
13. Akapeea te au Kerititiano i te akarongo anga ki te ako akauruia kia “taporoporo marie i te tuatau”? (Ephe. 5:16; “Taporoporo Marie i te Tuatau”)
14. (a) Eaa te kapitiia maira i “te ora akautunga anga” te taikuia ra ia Apokalupo 14:7? (e) Akapeea tatou i te orongaanga i te akapapuanga e kua akatakake tikai ia tatou mei ia Babulonia Maata? (“ ‘Kia Vai Matakite ua Atu’—Kua Tae Mai te Ora Akautunga Anga”) (ng) Eaa te au tumu manako taau i rekareka mai mei te poroutia Kia Vai Matakite ua Atu!?
15. E taiku mai i nga tu e toru te ka umuumuia kia tapu ia tatou kia kore e ‘akaruke i te ara mou.’ (2 Pe. 2:15; “Kia Matakite i te ‘Akaruke Anga i te Ara Mou’ ”)
16. Akapeea te aronga mapu i te kopae anga kia “ē ua atu i te arataa o te aronga kino ra”? (Maseli 4:14; “Te Au Mapu—Aaere na te Arataa o te Tuatua Tika”)
17. (a) Na roto i teea au tu i riro ei a Paulo ei akaraanga meitaki tikai no te tamou marie anga? (Anga. 14:19, 20; 16:25-33) (e) No teaa ra e kare e umuumuia kia mataku i te aronga patoi no te akamori mou? (Nuku e te tuatua “Kia Akakite ua Atu i Teia Tuatau Noatu te Patoianga”)
18. Eaa te au akameitakianga tei aere mai ki te aronga te aaere ra ma te Atua? (“Aaerenga ma te Atua te Oronga Maira i te Au Akameitaki Anga i Teianei e Tuatau ua Atu”)
Kia tauta tatou kia akono i ‘tetai tuatua i muri ia tatou’ e rauka ai i te aaere ma to tatou Metua i te rangi ra e tuatau ua atu.—Isa. 30:21; Ioane 3:36.