Te ka Tuatuaia no te Au Makatini

Te Punanga Tiaki Mati 15

“E akapaapaa ana te au tangata takapini i te ao nei i te au apiianga a Iesu. [Tatau i tei tataia i te kapi 3, parakarapa 1.] Inara i toou manako te tau ra ainei taua au apiianga, mei te akaraanga te kiteia ra i roto i teia irava, ki to teia tuatau? [Tatau ia Mataio 5:21, 22a. Tiaki i reira no te pauanga.] Te akamanako ra teia makatini i ta Iesu i apii mai e akapeea tatou i te puapinga angaia mei te reira.”

Awake! Mar. 22

“Manganui te au tangata te rekareka ra i te au maunga no to ratou manea, inara i kite ana ainei koe e e puapinga to ratou no te oraanga i te enua nei? [Tiaki no te pauanga.] Te uriuri ra teia makatini e eaa oki tatou i inangaro ei i te au maunga e eaa te tupu ra kia ratou i teia tuatau. Te tuatua katoa ra te reira e akapeea Tei Anga mai i te akaoraanga i teia apinga puapinga maata.” Tatau ia Salamo 95:4.

Te Punanga Tiaki Ape. 1

“I rongo ake ana ainei koe e kua tuatuaia e te patoi ra te taineti e te Pipiria i tetai e tetai? [Tiaki no te pauanga.] Te akara matatio ra teia makatini i te tuatua enua no te maroanga i rotopu i te taineti e te akonoanga. Inara te oronga katoa maira i te akapapuanga i te akaari mai e te rotai ra te taineti tikai ki te Pipiria.” Akaari i nga kapi 6-7. I reira tatau ia Koheleta 1:7.

Awake! Apr. 8

“Akapeea i toou manako e rauka ai i te au metua i te tauturu i ta ratou tamariki kia kopae i te au manamanata i te tuatau ngata o te au mataiti mapu ra? [Tiaki no te pauanga. I reira tatau ia Isaia 48:17, 18.] Te akaari ra teia makatini e i te akonoanga i te ako anga a te Pipiria ka tauturu i te au metua kia akamaroiroi i te tu komunikeiti anga meitaki ma ta ratou tamariki e kia akanoo tau meitaki ua i te au kotinga no ratou.”