Te ka Tuatuaia no te Au Makatini

Te Punanga Tiaki Mati 15

“Te maataanga ia tatou kua kite ana i te tupuanga mii no te ngaro anga tetai tei akaperepereia i roto i te mate. Kua kite ainei koe i teia taputou akapumaana? [Tatau ia Angaanga 24:15. Tiaki no te pauanga.] Inara, e manganui te akamanako ana e, Koai ra te ka akatu akaouia mai? Aea ra te reira e tupu ei? Ka tupu ra te reira kiea? Te oronga maira teia makatini i te pauanga a te Pipiria ki taua au uianga ra.”

Awake! Mar.

“E manganui te tangata e irinaki ana e ko Iesu te Atua. Te mea umere ra, te akataka maira te pipi a Iesu ko Petero iaia ei Tamaiti na te Atua. [Tatau ia Mataio 16:16.] Toou manako ka rauka kia riro a Iesu ko te Atua e te Tamaiti katoa a te Atua? [Tiaki no te pauanga.] I konei i te kapi 12-13 te akara ra teia atikara i teia uianga, i te oronga anga mai i to te Pipiria manako.”

Te Punanga Tiaki Ape. 1

“Te akaketaketa maira teia tuatua kite matauia i te puapinga o te apii i te kite o te Atua. [Tatau ia Mataio 4:4.] Inara, e manganui te tangata, e ngata ana i te marama i te Tuatua a te Atua. Mei te reira ainei taau i kite? [Tiaki no te pauanga.] Te oronga maira teia makatini i te au tamanakoanga tau te ka tauturu ia koe kia marama i te Pipiria.”

Awake! Apr.

“E manganui te tangata e tauta ana kia rauka te mataora, inara i te akaraanga e iti ua rai te kite ra i te reira. Toou manako ka riro tetai o te au mea i papaia i konei i te tauturu i te tangata kia rauka te au oraanga mataora atu? [Akaari i te pia i te kapi 9. Tatau i reira i tetai o te au irava i akakiteia mai.] Te uriuri nei teia itiu o te Awake! i te ravenga no te mataora mou tei akatumuia ki runga i te Pipiria.”