Akapapaanga a te Pamiri—Au Uipaanga Putuputuanga
1 Me e metua Kerititiano koe, ka inangaro koe i taau tamariki kia tupu mai i te inangaro e te tavini ia Iehova e, taopenga ra, kia rauka te ora mutu kore i roto i to te Atua ao ou taputouia. Akapeea e rauka ai ia koe i te tauturu ia ratou i te tuku i te akamorianga no Iehova te apinga mua i roto i to ratou oraanga? Te ravenga maata tikai koia oki na toou akaraanga. (Maseli 20:7) I te akamaaraanga i te akaraanga a tona metua vaine akarongo, kua karanga tetai tuaine e: “Kare roa e ekokoanga me ka aere matou ki te uipaanga me kare.” Kua riro mai teia ei akamanakoanga tikai kiaia.
2 Te ariki ra ainei toou pamiri i te akakoroanga no te au uipaanga putuputuanga? Te ikuikuanga tei rauka ia tatou i teia au akaputuputuanga te akamaroiroi ra ia tatou i te rave ua atu i to te Atua anoano, e te akataeake anga ta tatou e rekareka ra ma to tatou au taeake e ravenga puapinga maata tikai te reira no te akamaroiroi anga. (Isaia 54:13; Roma 1:11, 12) Inara, te tumu akakoroanga no taua uipaanga koia oki kia akateiteiia te akapaapaanga kia Iehova “i roto i te au uipa anga ra.” (Sa. 26:12) Te oronga maira te au uipaanga Kerititiano kia tatou i te au atianga kia akaari i to tatou aroa no Iehova e kia akamori iaia.
3 “Akono Marie”: Te akaperepere anga no te akakoroanga tapu o ta tatou au uipaanga te ka akakeu ia tatou kia “akono marie” kia kore tatou e akatupu marie i te peu kia topa i te au uipaanga no te au apinga e meangiti ua tona puapinga. (Ephe. 5:15, 16; Ebera 10:24, 25) I te akanooanga i taau papaanga no te pamiri, penei ka akamata koe na te akairaanga i te au ora no te au uipaanga putuputuanga. E oti kia matakite meitaki e auraka e akatika i tetai au angaanga ke mai i te tamanamanata i te reira. E akono meitaki kia akariro i te tae atu anga ki te uipaanga te apinga mua no toou pamiri.
4 Kare ainei e te akakeuia ra tatou me tatau tatou no runga i to tatou au taeake tei autu atu i te au arairai anga kia aere atu ki te au uipaanga e te au akaputuputuanga? Noatu e penei kare toou turanga e kino roa ana mei tera rai, penei te aro katoa ra rai koe i te au akaaoanga. Te maani ra a Satani kia aka angaanga mai i te au tangata o te Atua i te akamori ia Iehova. Inara, papu ei e kare e kore e te kite maira taau tamariki i te au tautaanga papu a toou pamiri kia tae atu ki te au uipaanga putuputuanga. E tikai, na te rave anga i te reira, penei ka rauka ia koe i te oronga atu kia ratou i tetai apinga aroa pae vaerua kare roa e ngaropoinaia.