Reta a te Manga

Ki te Au Papuritia o te Patireia:

Kua manako mai matou e ka inangaro kotou i te akarongo mai no runga i te turanga o te au tauatini ua atu taeake e te au tuaine tei rokoia e te au uriia tei akapueu i te Ava i te Pae Taatai Apatonga o Marike i te 2005. Kua tuku mai te opati manga o Marike kia matou i te ripoti tei aru mai, akakiteanga i te turuturuanga takinga meitaki orongaia e te taokotaianga taeake.​—Ioane 13:35.

Kua karanga tetai taeake tei akatakakeia e te Uriia Katrina: “Kua aere mai matou ma te au kakau ua i runga i to matou mokotua. Kua rave te au taeake i te au angaanga inangaroia. Kua meitaki tikai ratou i te ariki mai anga ia matou. Kua inangaro ratou kia noo mai matou.”

Kua tere atu i te 8,000 taeake e te tuaine tei angaanga kapiti atu ki te au Kumiti Patu Anga o te Tapere tei oronga i to ratou taime, au kite karape, e te au apinga i roto i teia angaanga tauturuanga. Kua tauturu ratou i te akaouanga me kore i te patu akaouanga e 86 Are Uipaanga Patireia e e 4,178 kainga. Te vai ra rai tetai au angaanga te ka raveia ki runga i tetai 5 Are Uipaanga Patireia e e 722 kainga. Tetai au taeake kua akaoro roa mai ratou mei te au tuanga ngai o Maine e Washington te mamao kia oronga i tetai tauturu. Te rekareka nei matou katoatoa no ta ratou au angaanga aroa!​—1 Tesa. 5:18.

Kua akakite mai tetai tangata tauturu mei Michigan e: “Kua rekareka maata tikaiia au i te kiteanga i te au mata katakata o te au pamiri i to ratou kite anga i te au tauu are ou ta matou i patiatia no ratou. Kare e rauka iaku i te akataka atu i roto i te au tuatua i toku manako i te riro mai anga ei tuanga no tetai taokotaianga taeake umere tikai.”

Te pati nei matou e kia pure ua atu rai kotou no teia au taeake akaperepere katoatoa​—te aronga tei rokoia e te aronga te oronga ra i te tauturu.​—2 Kori. 1:11.

To kotou au taeake,

Opati Manga o Nu Tireni