Ka Akapeea Koe i Toou Oraanga?
1 Tetai taime e uiia ana ki te au tamariki e, “Eaa taau ka inangaro i te rave me maatamaata mai koe?” Ei tamaiti meangiti, kua karanga ana ainei koe e ka inangaro koe kia riro mai ei cowboy? ei tangata tamate ai? ei akaaere tutaka? Me kore ei tamaine meangiti, penei kua karanga ana koe e ka inangaro koe kia riro mai koe ei ballerina? ei neti? ei mitinari? I teianei kua maatamaata mai koe, ka tau koe kia ui kia koe uaorai i tetai uianga akaou, ‘Ka akapeea au i toku oraanga?’ Kua papa ainei koe i te iki?
2 Kia tauturu ia koe i te akono i te ikianga meitaki rava, kua maani te akaaerenga o Iehova i te DVD Young People Ask—What Will I Do With My Life? E akara i te reira ine, e e akamanako pakari tikai i te au apinga pouroa i roto i te reira, kapiti mai te nuku, te au uiuianga e te au akakiteanga kapiti mai. Te akatakaia maira te au papaanga i roto i te pia “Main Menu.”
3 Te Nuku: Ia koe e akara ra i te nuku, e akamanako i teia au uianga: (1) Eaa te au tu aiteite i rotopu ia Timoteo, te tuatuaia ra i roto i te au Tuatua Tapu Kerititiano Ereni, e ia André? (Anga. 16:1; 1 Timo. 4:8; 2 Timo. 1:5) (2) Akapeea a André i te maroia anga kia meitaki tikai aia i roto i te taemoemo oro, e naai i maro mai? (3) Koai tei riro mai ei akakeuanga meitaki ki runga ia Timoteo e ki runga ia André, e i na roto i teea au mataara? (2 Timo. 1:1-4; 3:14, 15) (4) Akapeea te akoanga ia Mataio 6:24 e Philipi 3:8 i te akakeuanga ia André, e akapeea te reira i te akakeuanga ia koe?
4 Au Potonga Teata Ikiia: I muri ake i te akarakaraanga i te katoaanga o te nuku, e akara akaou i te au potonga teata tei aru mai, e e pau i teia au uianga. “Paul and Timothy”: Eaa ta Paulo akoanga openga kia Timoteo? (2 Timo. 4:5) “Giving Jehovah Your Best”: Eaa taau au akakoroanga pae vaerua? “Taking a Stand for Jehovah”: Noea mai te mataora tikai? “Grandmother’s Advice”: Eaa te tarevake i te inangaro anga kia riro mai ei tangata rongonui i roto i te ao o Satani? (Mata. 4:9) “No Regrets”: Eaa te kimikimianga te ka tauturu ia koe i te kite mai i te merengo anga i roto i te oraanga?—Maseli 10:22.
5 Au Uiuianga: Ia koe e akarakara ra i te au tuanga e aru mai nei, eaa taau i kite mai e ka rauka ia koe i te rave kia oronga kia Iehova i toou tu meitaki tikai? (1) “Dedication to Vain Pursuits or to God?” (1 Ioane 2:17); (2) “Learning to Enjoy Your Ministry” (Sa. 27:14); (3) “An Open Door to Service.”—Mata. 6:33.
6 Akamanako Akaou Anga: Ka rauka ainei ia koe i te pau? (1) Eaa te au angaanga ta te taeake e te tuaine e aruaru ra, e eaa te tumu? (2) Akapeea raua i te puapinga anga? (3) Eaa te tauianga i roto i to raua oraanga tataki tai? (2 Kori. 5:15) (4) Eaa te au angaanga teokaratiki tei pau i ta raua au angaanga mua, e eaa te tumu i manako ei raua e kare e rauka ia raua i te aruaru e rua roa ai? (5) Kua tataraapa ainei raua no te tauianga i to raua kaveinga i roto i te oraanga? (6) Eaa ta raua i tuatua mai ei tei akakeu tikai ia koe i te akamanako e ka akapeea koe i toou oraanga?
7 Au Uiuianga Kapiti Mai: I roto i teia au uiuianga, eaa taau i kite mai te tau maata ra kia koe uaorai i roto i ta Iehova tavini anga? (1) “The Value of Personal Study,” (2) “Alternative Witnessing,” (3) “Bethel Service.” (4) “Gilead Missionary Training,” e te (5) “Ministerial Training School.” E uriuri akaou i te “Index to Published Information on Related Subjects,” e e tatau i te au apinga taau e inangaro ra i te kite maata atu.
8 E no reira kua kite mai ainei koe e ka akapeea koe i toou oraanga? Kua raurau a Timoteo e: “Ka akamanako tikai i teianei au tuatua; ko taau ïa e rave auraka e tivata; kia kite te tangata katoa i te tupu anga o toou kite.” (1 Timo. 4:15) Te raurau nei matou ia koe kia akapera katoa rai i taau i kite mai e i akarongo mai i runga i teia DVD. E pati kia Iehova kia tauturu mai ia koe i te akono i tetai ikianga pakari te ka oronga mai tikai kia koe i te rekareka e te merengo anga i roto i te oraanga i teianei e pera katoa i tetai oraanga akameitakianga e te mataora no te tuatau ki mua.
[Pia i te kapi 6]
MAIN MENU
Play Drama
Scenes (11 tuanga)
Interviews
Play All
Sections (3 tuanga)
Looking Back
Supplementary Material
Supplementary Interviews
Index to Published Information on Related Subjects
Subtitles
Hearing Impaired
None
Kia taangaanga i te au menu, e taangaanga i te au pitopito Next ▶, ◀ Back, e te Main Menu.