Te ka Tuatuaia no te Au Makatini

Te Punanga Tiaki Tianuare-Mati

“I toou manako e me taangaanga te au tane e te au vaine i teia akoanga Pipiria, ka akaketaketa atu ainei i to raua pirianga akaipoipo? [Tatau ia Iobu 31:1. Tiaki i reira no te pauanga.] Te uriuri nei teia atikara i te au kaveinga Pipiria te ka tauturu i nga tokorua kia akono i ta raua papauanga ki to raua akaipoipo.” Akaari i te atikara e akamata ra i te kapi 18.

E Ara! Tianuare-Mati

“Te akatika nei te maataanga o te tangata e te pou viviki aere ua atura te au kai o te moana. I toou manako e ka rauka i te au kavamani a te tangata i te akatikatika i teia manamanata? [Tiaki no te pauanga. Tatau i reira ia Mataio 6:10.] Te akara ra teia atikara i tetai au tumu no te manamanata e te akaari maira i ta te Atua ravenga.” Akaari i te atikara e akamata ra i te kapi 18.

Te Punanga Tiaki Aperira-Tiunu

“I toou manako e te akarongo maira te Atua i te au pure ravarai? [Tiaki no te pauanga.] Akara ana i ta Iesu i tuatua no runga i teia tumu manako. [Tatau ia Mataio 6:7.] Te oronga maira teia atikara reka i te pauanga a te Pipiria no te au uianga ui putuputuia e a no runga i te pure.” Akaari i te atikara e akamata ra i te kapi 26.

E Ara! Aperira-Tiunu

“E manganui i teia tuatau te taitaia ra no te moni, i teia tuatau ngata tikai i te kimi puapinga i te pae moni. Ka akatika ainei koe? [Tiaki no te pauanga.] Akara i teia akoanga tau. [Tatau ia 1 Timoteo 6:8, 10.] Te uriuri nei teia makatini i tetai au kaveinga Pipiria te ka tauturu ia tatou kia akaaere i ta tatou moni na roto i tetai mataara te apai maira i te manako au.”