Te Meitaki ra Ainei Toou Mata?
1. Eaa te aiteanga kia ‘meitaki te mata’?
1 Ta to tatou mata e akara tamou ra ka riro ei akakeu i ta tatou angaanga. Kua tau rai te au tuatua a Iesu e: “Te meitaki ra to mata, kua mārama ïa to kopapa katoa”! (Mata. 6:22) Me “meitaki” to tatou mata mei ta Iesu rai i tuatua, te akara tamou ra i te akakoroanga okotai—te rave anga i te anoano o te Atua. Ka tuku tatou te Patireia na mua e kare tatou e apiapi i te au apinga materia anoano koreia me kore te au angaanga e tamanamanata ra i te angaanga orometua.
2. Eaa te ka akatuke i to tatou manako, inara eaa te ka tauturu ia tatou?
2 Anoano kia Akara Matatio ia Tatou Uaorai: Ka akatukeia to tatou manako i ta te akakitekiteanga nuti e akakite maira, i ta tatou ka anoano me kore i ta tetai ke i rauka. I mua ake ka rave ei tetai angaanga me kore, ka oko ei tetai apinga te ka umuumuia kia maata te taime, moni, maroiroi ka pou, e mea meitaki kia ‘tatau i te apinga ei ou’ na te ui anga kia tatou uaorai e, ‘Ka akameitaki atu ainei teia i taku tavini anga ia Iehova me ka arai i te reira?’ (Luka 14:28; Phili. 1:9-11) Mea pakari katoa kia manako i tetai au taime e akapeea tatou te akamama ua atu anga to tatou oraanga kia maata atu ta tatou ka rave i roto i te angaanga orometua.—2 Kori. 13:5; Ephe. 5:10.
3. Eaa ta tatou i mou mai mei tetai tuaine tei akatano i tona oraanga kia mama mai?
3 Te akamataanga tetai tuaine te painia tamou, kua iki aia i te rave ua atu i tana angaanga tinamou, noatu ka rava te moni o tana angaanga no tetai taime ua, i te akono i tona au anoano. I te openga kua karanga aia e: “Kare e rauka i tetai te tavini e rua pu. Kua umuumuia au kia akaatinga i toku au inangaro e kia mareka ua i taku e anoano tikai ra. Kua kite au e ka puapinga kore te au apinga materia e ka pou toku maroiroi i te tauta kia rauka taua au apinga ra.” No tona au turanga, kua rauka iaia te akatano i tona oraanga kia mama mai, e kia taui i tana ngai angaanga, kia rauka iaia te painia ua atu.
4. Eaa ra i riro ei ei mea rapurapu kia tamou marie tatou i te mata meitaki i teia tuatau?
4 No te tu rapurapu o to tatou tuatau, e puapinga maata kia tamou marie tatou i te mata meitaki. Te au ra i aereia, e tai ra vaitata atu ki te openga o te akatereanga o te au mea nei e te akamataanga i te ao ou o te Atua. (1 Kori. 7:29, 31) Na te tamou anga ki runga i te angaanga tutu aere, ka rauka ia tatou te akaora ia tatou uaorai e te aronga e akarongo maira.—1 Timo. 4:16.