Eaa te Turanga o te Au Puka?

E uianga meitaki teia i te ui no runga i te au puka ka oronga atu tatou. Ka riro tetai ua atu puka kua mingomingo, reporepo, me kore kua ngaae ei akaraanga kino no ta tatou akaaerenga, e kare te tangata ngutuare e akarongo mai ki ta tatou karere meitaki e te akaora anga mei roto mai i te au puka.

Akapeea tatou me akono i ta tatou puka kia manea ua? Maata tei kite mai e e puapinga i te akanoo meitaki i ta ratou au puka tutu anga i roto i te kiri. Ei akaraanga, e tuku ana ratou i te au puka e tai ngai, te au makatini e te au poroutia e tai ngai, e te au aenga pepa e tai ngai, e te vai atura. E akaoki meitaki ana ratou i ta ratou Pipiria e tetai ua atu puka ki roto i ta ratou kiri, kia kore e kino. E tuku ana tetai au papuritia e ta ratou au puka ki roto i tetai vairanga puka me kore pute plastic. Noatu eaa te turanga ka taangaanga tatou, kare tatou e inangaro i tetai tangata kia akaapa mai i ta tatou angaanga orometua na te oronga anga i te au puka kino kiaia.​—2 Kori. 6:3.