Uriuri e Tai ua Tumu Manako, Oake ra i Nga Makatini Roa Ai
Tuke tuke te au tumu manako manea i roto i ta tatou nga makatini roa ai. Meitaki atu i te uriuri e tai ua tumu manako, i to te taiku atu i te au tumu manako tukeke i ko i te ngutupa. Me akara meitaki tatou, e me kua kite tatou i te au atikara i roto i te makatini, ka rauka ia tatou te iki i tetai manako no roto i Te Punanga Tiaki me kore i te Awake! te ka reka te pu ngutuare. Ei akaraanga, me kite tatou i te au apinga kangakanga a te tamariki i roto me kore i vao i te are, penei ka taiku tatou i tetai atikara no runga i te oraanga pamiri. Me e tane te ka aere mai ki te ngutupa, penei e tuatua i tetai tumu manako e reka ana te au tane, ei akaraanga no runga i te kavamani. Noatu e tai ua a tatou tumu manako ka uriuri, kia oake ua rai tatou i nga makatini roa ai ki te pu ngutuare me te inangaro ra aia.