Ta Tatou Vairanga Apinga Apii
1. I teea tu tatou i aite ei ki te taunga angaanga karape?
1 Tukeke te apinga angaanga e taangaanga ana te taunga. Tetai pae no te angaanga koia ua ka kite i te taangaanga, te maataanga, tana ïa e taangaanga putuputu ana. Tana tera e apai ua ana i roto i tana vairanga apinga e tei tukatau roa atu aia i te taangaanga. Akamaroiroi mai te Pipiria kia akapera rai tatou i roto i te angaanga orometua kia riro tatou ‘ei aronga rave angaanga kare e akama.’ (2 Timo. 2:15) Eaa te apinga puapinga roa atu i roto i ta tatou vairanga apinga, koia oki ta tatou kiri puka? Ko te Tuatua a te Atua—te apinga e taangaanga nei tatou ei ‘akariro i to te pa enua ei pipi.’ (Mata. 28:19, 20) No reira kia karape tatou “i te tua i te tuatua-mou.” Inara e au apinga ke atu tetai i roto i ta tatou kiri puka e taangaanga putuputuia ana, te ka anoanoia tatou kia tukatau i te taangaanga ei apii i te tangata.—Mase. 22:29.
2. Eaa te au apinga apii e taangaanga ana tatou?
2 Ta Tatou Au Apinga Apii: Kapiti mai te Pipiria eaa tetai au apinga apii ka taangaanga tatou? Te puka e taangaanga nei tatou, Eaa Tikai ta te Pipiria e Apii Maira? Me oti teia, apii i te puka “Kia Noo Tamou Kotou i Roto i te Aroa o te Atua” kia kite te tangata apii i te taangaanga i te au kaveinga Pipiria i roto i tona oraanga. Kia tukatau meitaki tatou te taangaanga i teia nga puka. Apai katoa i tetai au poroutia i roto i ta tatou kiri. Tetai ei akamata apii Pipiria ko te Nuti Meitaki no ko i te Atua! Me kare tetai aronga e kite meitaki te tatau, me kore e aronga reo ke inara e iti ua ta tatou puka i to ratou reo, apii i te poroutia Akarongo ki te Atua me kore Akarongo ki te Atua kia Ora e Tuatau ua Atu. Kia kite ratou no runga i te akaaerenga, apii te poroutia Koai ma te Rave ra i to Iehova Anoano i Teia Tuatau? Au vitio meitaki no te akariro i te tangata ei pipi, Eaa te Tumu ka Apii ei i te Pipiria? Eaa te Raveia Ana i ko i te Are Uipaanga Patireia?, Does God Have a Name?, kia kite tatou i te taangaanga meitaki i teia au apinga.
3. Eaa ta te au tumu manako i roto i Ta Tatou Angaanga Patireia ka tauturu ia tatou kia rave?
3 Ka riro Ta Tatou Angaanga Patireia a te au taime ka aereia, ei tauturu ia tatou kia tukatau i te taangaanga i teia au puka i roto i ta tatou kiri puka. Me akapera tatou te aru ra tatou i te ako: “Kia matakite ia koe, e taau e apii ra; e tamou tika rai i te reira: tei te akapera oki e oraʼi koe, e te aronga katoa e akarongo mai ia koe ra.”—1 Timo. 4:16.