Tutu Aere ki te “Tangata Ravarai”
1. Akapeea te aronga tutu evangeria tukatau mei te tangata maani apinga kite karape rai?
1 Maata te au apinga angaanga a te tangata maani apinga kite karape, e kua kite aia e aea e akapeea me taangaanga tataki tai i te reira. Tukeke katoa ta tatou au apinga te ka tauturu ia tatou kia akatupu i ta tatou angaanga tutuanga. Ei akaraanga, kua tataia te au poroutia e tukeke te au tumu manako no te tauturu anga ia tatou i te tutu aere ki “te tangata ravarai.” (1 Kori. 9:22) E papaanga tetai i te kapi i roto mai no tetai o teia au poroutia, e akamarama maira e kua tataia te reira noai ma, e akapeea me oronga i te au poroutia.
2. Aea tatou e taangaanga ai i te au poroutia i roto i te angaanga orometua?
2 Aea me Taangaanga i te Poroutia: Ka taangaanga te tangata maani apinga kite karape i tetai apinga i tetai ua atu taime ka puapingaia. Ka oronga katoa tatou i tetai poroutia me kite tatou e ka puapingaia tetai tangata, kare no te marama ua e orongaia ra te au poroutia. Ei akaraanga, me ko te puka ta te Pipiria e Apii Maira te ka orongaia e te tutu ra tatou i tetai enua kare e au Kerititiano i reira e kare e maata ana te aronga e inangaro ana i te Pipiria, e mea puapinga kia oronga i tetai poroutia tau e kia oronga i te puka ta te Pipiria e Apii Maira muri ake me akaari mai te tangata i te inangaro.
3. Eaa ra tatou ka tukatau ei i te taangaanga anga i ta tatou au poroutia no te tutu aere?
3 Te tuatua meitaki ra te au Tuatua Tapu no te aronga karape e rave ra i ta ratou angaanga. (Mase. 22:29) E tika, kare e angaanga puapinga maata atu i teia tuatau i to ‘te angaanga tapu no te tuatua meitaki.’ (Roma 15:16, NW) E riro mai ei tangata “rave angaanga kare e akama,” ka tauta tatou kia tukatau i te taangaanga i ta tatou au poroutia.—2 Timo. 2:15.