ORAANGA KERITITIANO

Tauturu i Toou Ngutuare Tangata Kia Akamaara ua ia Iehova

Kua akamatakite atu a Ieremia i te ngati Iuda e ka tupu tetai kino kia ratou no te mea kua akangaropoina ratou i te Atua, ia Iehova. (Iere. 13:25) Akapeea to ratou turanga pae vaerua i kino rava ai? Kua ngaro ke te turanga pae vaerua o te au ngutuare tangata o Iseraela. Kare te au pu ngutuare i rave ana i ta Iehova akaueanga i roto ia Deuteronomi 6:5-7.

Ka riro te au ngutuare tangata maroiroi i te pae vaerua i te akamatutu i to tatou putuputuanga i teia tuatau. Ka tauturu te au pu ngutuare i to ratou pamiri kia akamaara ua ia Iehova na te rave putuputuanga i ta ratou Akamorianga a te Ngutuare. (Sala. 22:27) Muri ake i te akaraanga i te vitio “E Teianei au Tuatua . . . ei Roto i Toou Ngakau Vai Ei”​—Uiuianga ki te Ngutuare Tangata, e pau i teia au uianga:

Akapeea tetai au ngutuare tangata te autu anga i te au manamanata i te tuatau o te akamorianga a te ngutuare?

Eaa tetai au akameitakianga ka rauka mai me rave putuputuia te Akamorianga a te Ngutuare?

I te tuatau o te akamorianga a te ngutuare, eaa tetai akaaoanga taku e aro atu ana, e eaa taku ka rave kia autu au i te reira?