ORAANGA KERITITIANO
Āriki Pumaana Mai ia Ratou
Āriki pumaana mai iaai? Tetai ua atu te ka aere mai ki ta tatou au uipaanga—te aronga ou e te au taeake Kerititiano. (Roma 15:7; Ebe. 13:2) Penei e taeake tei aere mai mei tetai enua ke me kore tetai taeake i paruparu i te pae vaerua tei oki akaou mai. Akamanako ana mei teaa te tu me ko koe tera. Kare ainei koe e reka me āriki pumaanaia mai koe? (Mata. 7:12) No reira e tauta i te aravei atu i te au taeake i roto i te Are Uipaanga Patireia i mua ake ka akamata ai e i muri ake te akaotianga o te uipaanga. Ka akatupu teia i tetai tu oaoa e te aroa te ka riro ei akangateitei ia Iehova. (Mata. 5:16) Penei kare e rauka ia koe i te aravei i te katoatoa tei tae mai. Inara, ka pumaana te katoatoa me rave pouroa tatou i ta tatou tuanga.a
Kia akaariia te tu takinga meitaki i te au taime ravarai, kare i te tuatau ua o te Akamaaraanga. Me kite te aronga ou i te tu aroa Kerititiano i te akaariia anga, penei ka akakeuia ratou kia akapaapaa ia Iehova e ka kapiti mai kia tatou i roto i te akamorianga mou.—Ioa. 13:35.
[Tataanga Rikiriki i Raro]
a Kia tau ki te au kaveinga Pipiria, kua kotingaia to tatou pirianga ki tetai tei akaateaia me kore tei akaruke i te putuputuanga me aere mai ratou ki te au uipaanga.—1 Kori. 5:11; 2 Ioa. 10.
[Pia i te kapi 2]
AU MANAKO NO TE TAUTURU I TE ARONGA OU
• Akakite i toou ingoa ma te ui atu i tona ingoa
• Pati ia ratou kia noo ki te pae ia koe
• Kia akara kapiti korua i taau Pipiria e te puka imene
• Me akaoti te uipaanga, kia rauka ia koe i te paupau i tetai ua atu uianga
• Me ka tau e pati me ka inangaro aia i tetai apii Pipiria nana