E Akamaara i te Vaine a Lota

Eaa te vaine a Lota i akara ai ki muri te oro anga aia ki vao ia Sodoma? Kare te Pipiria i akakite mai i te tumu. (Gene. 19:17, 26) Te akaari maira te akamatakite anga a Iesu e kua umuumu te vaine a Lota i tana au apinga i akaruke ei ki muri. (Luka 17:31, 32) Eaa tatou ka kopae ei i te akamareka kore i te Atua mei ta te vaine rai a Lota i rave? Kare tatou e akariro i te au apinga o te pae kopapa ei mea puapinga. (Mata. 6:33) Apii mai a Iesu ia tatou e “kare e tika kia akono atu i te Atua e te Mamona.” (Mata. 6:24) Inara akapeea me maata roa to tatou taime no te au apinga o te kopapa kare no te au mea pae vaerua? Ka pure tatou e te pati kia Iehova no te pakari, te tu ngakau toa e te maroiroi i te rave i te au tauianga.

AKAMANAKO I TE VITIO E AKAMAARA I TE VAINE A LOTA, E OTI PAU I TEIA AU UIANGA:

• 

  Akapeea te inangaro kia maata atu te moni i riro ei ei mea matau na Gloria i te manako, te tuatua e te rave?

• Eaa te vaine a Lota i riro ei, ei akamatakiteanga no tatou i teia rā?

• Akapeea te taangaanga anga i te au kaveinga Pipiria i riro ei i te tauturu ia Joe e tona ngutuare tangata?

• Akapeea te ngai angaanga a Anna i riro ei i te akaparuparu i tona tua pae vaerua?

• Eaa ka anoanoia ai te tu ngakau toa me māroia koe kia tuku i te moni ei mea puapinga i roto i te oraanga?

• Akapeea a Brian e Gloria te akaketaketa akaou anga i to raua turanga pae vaerua?

• Eaa te au kaveinga Pipiria taau i kite mai tei akaariia i roto i te vitio?