Akamata i Tetai Pukapuka Anga na Roto i te au Aenga Pepa

Mei ia Tianuare 2018, kua tukuia mai te au manako no te uriuri i te kapi mua o te Oraanga e te Angaanga Orometua Puka Angaanga no te Uipaanga. Akamaroiroiia mai tatou kia rave i tetai pukapuka anga ki te tangata, eiaa e oronga ua i te au puka. Ei tauturu i te au taeake no teia tauianga, kua akaari mai te au vitio akapeea me akamata i tetai pukapuka anga i roto ua i te Pipiria. Ko te aiteanga ainei, e kare tatou e taangaanga i te au puka me tutu aere mei tera are ki tera are? Kare! Ei akaraanga, ko te aenga pepa tetai ravenga meitaki no te akamata i tetai pukapuka anga. Ka rauka ia tatou i te taangaanga i teia au manako me oronga i tetai ua atu aenga pepa:

1. E ui i te au uianga i te kapi mua.

2. Akaari i te pauanga a te Pipiria tei tataia i runga roa i te kapi rua. Me rava te taime, tatau e oti uriuri i tetai pae o te au manako tei tataia i roto i te aenga pepa.

3. Oronga i te aenga pepa, ma te akamaroiroi i te pu ngutuare kia tatau i te toenga o te reira.

4. Mua ake ka akaruke ei koe, akaari i te uianga i te tuanga “Kia Akamanako” e oti akanoo i tetai taime no te oki mai e te uriuri i te pauanga a te Pipiria.

Me oki akaou mai koe, uriuri i te pauanga e oti akaruke i tetai akaou uianga no te uriuri me oki akaou mai. Penei ka iki koe i tetai uianga mei ta tatou website me kore mei te puka tei taikuia i te kapi openga. I tetai tuatau tau, e oronga i te poroutia Nuti Meitaki no ko i te Atua! me kore tetai puka mei ta tatou au Apinga Apii.