Eaa Taau i Kite Mei te au Imene Ou?

Eaa te au imene ou e reka ana koe? Eaa te tumu? Te akaari maira ainei te reira i te tu o te oraanga i te au rā ravarai? No te tukeke o te tu o te au imene, ka reka rai te katoatoa i te reira. Inara, e maata atu te ō maira no runga i teia au imene ou e te au vitio imene.

E au apiianga meitaki to roto i teia au imene ou kia taangaanga tatou i roto i te oraanga Kerititiano e te angaanga orometua. No runga tetai au imene i te tu aroa taeake, tu taokotai, pirianga oa, ngakau toa, aroa e te akarongo. Tetai pae, no te oki mai kia Iehova, akakore i te apa, tu tiratiratu i te au rā e te tavini maata atu ia Iehova. E imene katoa tetai no runga i te taangaanga meitaki i te tereponi. Eaa atu tetai au apiianga meitaki taau i kite mai i roto i te au imene ou?

AKARA I TE VITIO IMENE OU TEIA ROA MAI NEI, E OTI PAU I TEIA AU UIANGA:

• Eaa te au akameitakianga ta te nga ruau akaipoipo e akamanako ra?—Gene. 12:3

• Akapeea tatou me akaketaketa i to tatou irinakianga e ka akatupu a Iehova i tana i taputou?

• Eaa te au kapitianga mataora te ka tupu kare e roa atu ana?

• Akapeea te manakonakoanga o te Patireia me tauturu ia tatou kia akakoromaki i te au timataanga?—Roma 8:25