Tauturu Apii
Tamou Ngakau i te au “Pe’e a te Vaerua”
“Me manako puapinga kore au, ka akamaroiroi a Iehova iaku na roto i te au imene i runga i te JW Broadcasting®.”—Lorraine, Marike.
E tuanga “te pe’e a te vaerua” no te akamorianga Kerititiano. (Kolo. 3:16) Me tamou ngakau koe i te au imene, ka tauturu te reira ia koe me kare aau puka imene e te apinga apaipai. E tamata i teia kia tauturu ia koe kia tamou ngakau i te au imene.
Tatau meitaki i te tuatua o te imene kia mārama i te aiteanga. Me mārama koe i te aiteanga o te au tuatua, ka māmā i te akamaara i te reira. Tei runga i te jw.org te au tuatua no ta tatou imene, kapiti mai te au imene ou e te imene na te tamariki. Aere ki te tuanga Runanga, e te Akatangi Imene.
Tata i te tuatua o te imene. Ka tauturu teia ia koe kia tamou ngakau i te au tuatua.—Deu. 17:18.
Apiipii i te imene. Tatau putuputu me kore e imene maata i te imene.
Tauta kia kite eaa taau i maara. Ma te kore e akara i te tuatua o te imene, e tauta i te akamaara i te au tuatua.