Ka Rauka Ainei ia Koe i te Akaatinga i Toou Taime e te Maroiroi?

Mei ta Isaia i totou, te kite nei tatou i te akaaerenga a Iehova i te enua nei te tupuanga ki te maata. (Isa. 54:2) No teia tupuanga ka anoanoia kia pātuia te au Are Uipaanga Patireia ou, au Are Akaputuputuanga, e te au are no te opati Betela. Me oti te au are i te pātuia, ka anoanoia kia akonoia, e ko tetai pae ka akaouia te reira. Eaa te au ravenga ka rauka ia tatou i te akaatinga i to tatou taime e te maroiroi kia Iehova?

• Tauturu i toou pupu i te tamā i te Are Uipaanga Patireia

• Pati kia tereniia koe no te akono anga i to tatou Are Uipaanga Patireia

• Akakī i te Local Design/Construction Volunteer Application (DC-50) kia rauka ia koe i te tauturu e te akono i te au angaanga pātu are vaitata mai ki toou ngai

• Akakī i te Application for Volunteer Program (A-19) kia rauka ia koe i te tauturu no tetai epetoma me kore maata atu i ko i te au ngai pātu are te akono ra toou opati Betela

AKARA I TE VITIO ANGAANGA PĀTU ANGA OU TE PARANIIA NEI—POTONGA UA, E OTI PAU I TEIA AU UIANGA:

• Eaa te maata o te au vitio e taangaangaia nei i teia tuatau mei te mataiti 2014?

• No te maata o te au vitio ka anoanoia, eaa te angaanga pātu anga te paraniia nei, aea e akamata ai e e akaotiia ai te reira?

• Akapeea tatou me tauturu i teia pātu anga?

• Me inangaro tatou i te tauturu i te pātu anga i Ramapo, eaa ra tatou ka akakī ei i te application (DC-50) e te tauturu i te au angaanga a te Local Design/Construction vaitata mai ki toou ngai?

• Eaa te akapapuanga e te arataki nei a Iehova i teia angaanga?

• Akapeea tatou me tauturu i teia angaanga pātu anga noatu kare tatou i reira?