Akaari i te Aroa na te Turu Anga i ta Iehova Akoanga

Ko te akaatea anga i tetai ki vao, ka paruru te reira i te putuputuanga e te akoia ra te tangata tei rave i te tarevake. (1 Kori. 5:6, 11) Me turu tatou i teia akoanga na Iehova, te akaari ra tatou i te aroa. Akapeea teia i tika ai me ka akatupu tetai akaatea anga i te mamae ngakau ki te katoatoa, e pera ki te kopu tangata e te kumiti tukuanga tika?

Tei maata atu, te akaari ra tatou i te aroa no to Iehova ingoa e tona tu tapu. (1 Pete. 1:14-16) Te akaari katoa ra tatou i te aroa no te tangata tei akaateaia ki vao. Ko tetai akoanga pakari, noatu te mamae, ka akatupu te reira i te “tuatua-tika.” (Ebe. 12:5, 6, 11) Ka tamanamanata tatou i ta Iehova akoanga me piri tatou ki te tangata tei akaateaia me kore kua akaatea iaia uaorai ki vao. E akamaara, e ako ana a Iehova i tona iti tangata “ma te tuatua-tau.” (Iere. 30:11) Ia tatou e turu ra i ta Iehova akoanga e te vai tamou anga ki ta tatou akanoonooanga pae vaerua, ka inangaro tatou i tera tangata kia oki mai ki to tatou Metua aroa.​—Isa. 1:16-18; 55:7.

AKARA I TE VITIO KIA VAI TIRATIRATU MA TE NGAKAU OKOTAI, E OTI PAU I TEIA AU UIANGA:

• 

  Eaa te au tu mamae te ka tupu ki te au metua Kerititiano me akaruke tetai tamaiti ia Iehova?

• 

  Akapeea te putuputuanga me tauturu i te ngutuare tangata tei vai titratiratu?

• 

  Eaa te tua Pipiria te apii maira e e puapinga atu te vai tiratiratu kia Iehova i te inangaro i te kopu tangata?

• 

  Akapeea tatou me tuku i te tu tiratiratu kia Iehova i runga ake i te tu tiratiratu ki te kopu tangata?