Taangaanga i te Oraanga Mataora e Tuatau Ua Atu! i Roto i te Angaanga Orometua

Mataora tatou e kua orongaia mai teia poroutia e te puka ou, ei apii i te Pipiria! E pure kia Iehova kia akameitaki mai i ta tatou angaanga no te akariro i te tangata ei pipi. (Mata. 28:18-20; 1 Kori. 3:6-9) Akapeea tatou me oronga i teia apinga apii ou?

Oronga mai te akamataanga apii Pipiria o te Oraanga Mataora e Tuatau Ua Atu!, i tetai ravenga ou me apii, e aru i teia akanoonooanga me akapapa koe e te rave i tetai apii Pipiria.a

• E tatau i te apii, e oti uriuri i te au uianga

• E akara e “e tatau” i te au irava, tauturu i te tangata apii kia mārama i te reira

• Akatangi i te au vitio e oti uriuri i te au uianga e aru maira

• E rave e tai apii i te tuanga okotai

Oronga i te poroutia me inangaro te pu ngutuare i roto i te angaanga orometua. (Akara i te pia “Akapeea me Oronga i te Poroutia Oraanga Mataora e Tuatau Ua Atu! i te Atoroanga Mua.”) Me oti korua i te apii i te poroutia, e kua inangaro te tangata apii i te apii ua atu, oronga i te puka e e uriuri i te apii 04. Me te apii ra aia i te puka Apii ia Tatou me kore te puka Vai Tamou i Roto i te Aroa o te Atua e taui ki te puka Oraanga Mataora e Tuatau Ua Atu! ki te apii tei tau.

AKARA I TE VITIO KIA ORANA, TEIA TAAU APII PIPIRIA, E OTI PAU I TEIA AU UIANGA:

• Eaa ta te tangata apii ka kite mai mei te puka ou?

• Eaa ra koe ka akaari ei teia vitio ki te tangata apii ou?

• Eaa te au akakoroanga ka akamaroiroi koe i te tangata apii kia akanoo e kia rave aia?—Akara i te “Akamanako e te Akakoroanga no te Tuanga Taki Tai”