Kimi i te Pakari no te Oraanga i Runga i te JW.ORG

Kua oronga mai te Tuatua a te Atua i te tauturu no te akakoromaki i te au timataanga i teia tuatau ngata. (2 Timo. 3:1, 16, 17) Inara, i tetai taime ka anoanoia te tauturu no te kimi i te au kaveinga Pipiria tei tau ki te turanga. Ei akaraanga, e metua ainei koe e kimi ra i tetai au aratakianga no te utuutu i taau tamariki? E mapu ainei koe e te timataia ra toou akarongo? E tane me kore e vaine takaua koe e mii nei i toou akaperepere tei mate? Ka kiteaia te au atikara i runga i te jw.org te ka taki atu ia koe ki te au kaveinga Pipiria ei tauturu i toou turanga.—Mase. 2:3-6.

I runga i te kapi mua o te jw.org, pata ki te ngai APIIANGA PIPIRIA. (Akara i te tutu 1.) Mei te au tuanga i raro mai, iki i taau ka inangaro. Me kore aere ki te RUNANGA > ATIKARA TUKEKE e te iki i taau ka inangaro. (Akara i te tutu 2.) Ka kite katoaia teia au tuanga i roto i te JW Library^®.a Ka rauka ia koe i te akarakara i te au atikara i roto i reira. Tetai ravenga no te kimi i te tumu manako na te pata anga i roto i te pia kimikimi i runga i te jw.org.

Taru i taau e kimi ra ki roto i te pia kimikimi, e te tata ki raro te au atikara taau ka inangaro i te tatau.

• Utuutu i te tamariki

• Manako taitaia o te mapu

• Mate tetai tei akaperepereia