Ta Tatou Web Site Akamanaia—Akakoroia Kia Puapinga Tatou e Etai Ke
Kua akaue mai a Iesu ia tatou kia tutu i te tuatua meitaki o te Patireia “e kako rava ake te ao katoa nei; ei kite no te pa enua ravarai.” (Mata. 24:14) Ei tauturu ia tatou i te ‘rave akaope takiri i ta tatou angaanga orometua,’ kua kapitiia te watchtower.org, te jw-media.org, e te jw.org ki roto i te jw.org Web site tei akaouia.—2 Timo. 4:5.
“Kako Rava Ake te ao Katoa Nei”: Vaitata rai mei te 33 patene o te tangata i te ao katoa nei e taangaanga ana i te Initaneti. Kua riro te reira ei mataara mama ua no te manganui, i te au mapu tikai, kia rauka mai te au akakiteanga. Oronga mai ta tatou site i te au pauanga tika ki te au uianga Pipiria na te aronga e taangaanga ra i te Initaneti. Te akamatau ra te reira ia ratou ki te akaaerenga o Iehova e ka mama ua ia ratou i te pati i tetai apii Pipiria oronga ua i te kainga. Ka tauturu te reira i te apai i te tuatua meitaki ki te au ngai kare te tangata i akarongo ake i te karere Patireia.
“Te pa Enua Ravarai”: E rauka ai i te akakite i te tuatua meitaki i “te pa enua ravarai,” ka anoanoia tatou kia oronga i te tuatua mou Pipiria na roto i te au reo tukeke. Te aronga e aere ana ki te jw.org ka rauka ngoie atu ia ratou te au akakiteanga i roto i te 400 tuma reo, i to tetai ua atu Web site.
Taangaanga Meitaki i te Reira: Kare te akakoroanga o te Web site jw.org tei akaouia, no te tutu ua ki te aronga kare i roto i te tuatua mou. Kua maani katoaia te reira no te Au Kite o Iehova kia taangaanga. Me ka rauka ia koe i te aere ki runga i te Initaneti, te akamaroiroiia atu nei kia akamatau ia koe ki te jw.org. Aru mai i raro akenei, ko tetai au mataara no te taangaanga i te reira.
[Tutu i te kapi 3]
(No te akanooanga tikai o te tataanga, akara i te puka)
Tamata i te Reira
1 Taipu i te www.pr2711.com ki roto i te ngai no te atereti i runga i te Initaneti o taau komupiuta.
2 Akarakara aere na te pata anga ki runga i te au upoko tuatua, te au porokaramu, e te au ngai tukeke.
3 Tamata i te jw.org i runga i taau tereponi apaipai kia rauka ia koe i te taangaanga i te Initaneti. Ka taui te akanooanga o te kapi kia tano ki runga i taau tereponi apaipai, kareka te au akakiteanga i roto, kare te reira e taui.