ORAANGA KERITITIANO
Kia Papa me Tupu Poitirere Tetai Maki
Eaa ra ka akapapa ai? Ka tupu poitirere ua tetai maki e ka anoanoia kia aere ki runga i te are maki. No reira, i mua ake ka tupu ei te reira, e akapapa i teianei kia rauka te tauturu tei anoanoia no te rapakau anga meitaki. Me rave koe i teia, te akangateitei ra koe i toou oraanga e te ture a Iehova no runga i te toto.—Anga. 15:28, 29.
Eaa taau ka rave no te akapapa?
Pure ma te akamanako meitaki me akaki i te kāti durable power of attorney (DPA).a Ka rauka i te au papuritia tei papetitoia i te pati ki te taeake akono puka no te reira kāti DPA e pera te Identity Card (ic) no ta ratou tamariki
Me kua nui koe, e pati ki te aronga pakari no tetai kopi o te Information for Expectant Mothers (S-401). Ka tauturu teia ia koe kia iki meitaki i te rapakauanga tau me tupu ake tetai maki kino i toou tuatau nui e me anau koe
Me ka anoanoia tetai rapakauanga te o maira te toto me kore te noo ki roto i te are maki, e akakite ki te aronga pakari na mua e pera te aronga i runga i te are maki e ka inangaro koe i tetai o te Au Kite o Iehova kia atoro mai ia koe
Akapeea te aronga pakari me tauturu? Ka rauka ia ratou i te tauturu ia koe i te akaki i te kāti DPA. Inara, kare te aronga pakari e iki i te rapakauanga tau noou me kore to ratou manako no te reira ikianga. (Roma 14:12; Gala. 6:5) Me akakite koe ki te aronga pakari i toou maki te o maira te māroanga no te toto, ka aravei viviki ratou i te au taeake o te Kumiti Are Maki.
Akapeea te Kumiti Are Maki me tauturu? Kua tereniia teia au taeake kia tauturu i te au taote e te aronga o te ture kia mārama i to tatou turanga no runga i te toto. Ka rauka ia ratou i te uriuri ki toou taote no te au ravenga rapakauanga kia kore e pamu i te toto. Me ka anoanoia ka kimi ratou i tetai taote ke, te ka āriki i taau ikianga.
AKARA I TE VITIO AKAPEEA ME IKI MEITAKI I TE AU RAPAKAUANGA TAU NO TE TOTO, E OTI PAU I TEIA AU UIANGA:
Eaa taau i apii mai mei teia vitio te ka tauturu ia koe kia papa meitaki me tupu poitirere tetai maki te o maira te toto?
a Ka tauturu te apii 39 o te puka Oraanga Mataora e Tuatau Ua Atu! ia koe kia iki meitaki i te rapakauanga tau no te toto.