ORAANGA KERITITIANO
Tauturu a Iehova ia Tatou Kia Akakoromaki i te au Taomianga
I teia tuatau openga, e maata to tatou au taomianga. Tetai taime, e ngata roa ia tatou i te akakoromaki. Inara, me akavaitata ua rai tatou kia Iehova, ka tauturu aia ia tatou kia akakoromaki noatu te au taomianga mamae. (Isa. 43:2, 4) Akapeea tatou me akavaitata kia Iehova me tupu te au taomianga?
Pure. Me oora koe i toou ngakau kia Iehova, ka oronga mai aia i te ‘au e te maroiroi kia akakoromaki.—Phili. 4:6, 7; 1 Tesa. 5:17.
Au uipaanga. Tei maata atu, ka anoanoia te kai pae vaerua e te taokotaianga ta Iehova ka oronga mai i ko i te au uipaanga. (Ebe. 10:24, 25) Me akapapa tatou no te uipaanga, aere ki reira e te paupau, ka puapinga maataia tatou mei te vaerua tapu o Iehova.—Apo. 2:29.
Angaanga tutu aere. Ka māmā ua i te akamou ki runga i te au mea meitaki me rave maroiroi tatou i te angaanga tutu aere. Ka akamatutu katoaia to tatou pirianga kia Iehova e te au oa angaanga.—1 Kori. 3:5-10.
AKARA I TE VITIO KA TIAKI A IEHOVA IA KOE, E OTI PAU I TEIA AU UIANGA:
Eaa tei tauturu ia Malu kia piri vaitata kia Iehova i te au tuatau ngata?
Mei ia Malu, akapeea te au tuatua i roto ia Salamo 34:18 me akapumaana ia tatou?
Akapeea te akaraanga o Malu te akaari anga mai e ka oronga a Iehova i “te mana maata meitaki” me na roto tatou i te au taomianga?—2 Kori. 4:7