ORAANGA KERITITIANO
Angaanga Pakari Ratou no te Tavini ia Tatou
Akaari te au akaaere kotinga e ta ratou vaine i te aroa akaatinga ki te aronga ta ratou e tavini ra. Mei ia tatou katoa, e au anoano to ratou e tetai taime ka roiroi ratou, ka paruparu e ka taitaia. (Iako. 5:17) Noatu te reira, i te au epetoma ka akamou ratou ki runga i te akamaroiroi anga te au taeake e te au tuaine i roto i te putuputuanga ta ratou e atoro ra. Ko te au akaaere kotinga, ka tau “kia maata atu ïa i te akateitei atu” ia ratou.—1 Timo. 5:17.
Ia Paulo e parani ra i te atoro i te putuputuanga i Roma, inangaro aia i te akaketaketa i to ratou turanga pae vaerua e kia akamaroiroiia aia e ratou katoa. (Roma 1:11, 12) Kua akamanako ana ainei koe akapeea me akamaroiroi i toou akaaere kotinga e tana vaine, me kua akaipoipo aia?
AKARA I TE VITIO TE ORAANGA O TETAI AKAAERE KOTINGA I TE NGAI MAMAO, E OTI PAU I TEIA AU UIANGA:
Eaa te au ravenga e akaari ana te au akaaere kotinga e ta ratou vaine i te aroa akaatinga no te putuputuanga?
Akapeea koe te puapingaia anga mei ta ratou angaanga maroiroi?
Akapeea tatou me akamaroiroi atu ia ratou?