Ka Rauka ia Koe i te Autu i te Tu Makitakita!

Me kare teia i tupu kia koe, penei kua kite ana koe i te reira i te tupu anga ki tetai ke. I runga i te nuti, e kite ana tatou i te tangata e makitakitaia ra no ta ratou peu, enua, e to ratou tu. Tei tupu, kua akamana te au kavamani i tetai ture no te akautunga i te aronga te ka makitakita atu i tetai ke.

Ka makitakita tetai tangata i tetai ke me kua tupu ana te reira kiaia. Ka riro te reira ei akatupu ua rai i te tu makitakita.

Penei kua akavaavaaia ana koe, kua aviriia, akakinoia e kua taakamāia e tetai ke. Inara, e kino atu te tu makitakita. Ka akatupu te reira i te takinokino maata, te rave kino, te tā ua, te kukumi vaine, e te tā tangata.

Ka pau teia makatini i teia au uianga e ka akaari akapeea tatou me takore i te tu makitakita:

• Eaa i maata ai te tu makitakita?

• Akapeea tatou me kopae i te tu makitakita?

• Ka takore takiriia ainei te tu makitakita?