Ka Akaapa Ainei Tatou i te Atua no te Turanga Taitaia?

Te pauanga a te Pipiria

Karanga te Pipiria kare! Kare te Atua ko Iehova i akakoro kia taitaia te tangata. No te akarongo kore i te nga tokorua mua, kua patoi raua i ta te Atua tutaraanga e kua iki i ta raua uaorai turanga no te meitaki e te kino. No teia tumu, kua tupu te taitaia kia raua.

I teia tuatau, te taitaia nei tatou no ta raua ikianga kino. No reira, kare na te Atua i akatupu i te turanga taitaia o te tangata.

Akakite te Pipiria: “Eiaa rava e tangata pikikaaia e karanga e, Kua pikikaaia au e te Atua: kare rava te Atua e vavare i te kino, kare rava oki aia e pikikaa i te tangata.” (Iakobo 1:13) Ka tupu te taitaia ki tetai ua atu tangata—e te aronga tei ārikiia e te Atua.