Akapeea Koe e Puapinga ai Mei te Uipaanga a te Au Kite o Iehova?

Kua patiia ana ainei koe ki te uipaanga a te Au Kite o Iehova? Me kare koe i tae ake, penei ka ru koe i te aere no te taime mua. Ka manako koe: ‘Eaa te raveia ana i ko i te uipaanga? Eaa ra te reira i puapinga ai? Eaa ra au ka aere ei?’ I roto i teia apii, ka kite koe te puapinga no te aravei i tetai te ka tauturu ia koe kia akavaitata ki te Atua.

1. Eaa te tumu i puapinga ai te uipa kapiti?

Akakite maira te tata Pipiria: “Ka akameitaki rai au ia Iehova i roto i te au uipa anga ra.” (Salamo 26:12) Aite katoa, ki te Au Kite o Iehova e mataora ana ratou i te uipa kapiti. I te ao katoa, e uipa ana ratou i te au epetoma no te akapaapaa, imene, e te pure ki te Atua. I te au mataiti, ka rave ratou i te uruoaanga maata no te akamori iaia.

2. Eaa taau ka apii i te uipaanga?

I te uipaanga, ka akamou te apii ki te Tuatua a te Atua te “akakite [anga] i te ariteanga.” (E tatau ia Nehemia 8:8.) I reira, ka apii koe no runga ia Iehova e tona au tu manea. Ia koe e apii ra i tona tu aroa, ka akavaitata atu koe kiaia. Ka kite koe akapeea aia me tauturu ia koe kia puapinga toou oraanga.​—Isaia 48:​17, 18.

3. Akapeea te au taeake me tauturu ia koe i te uipaanga?

Akamaroiroi maira a Iehova kia “akono marie rai tatou tetai ki tetai, ka akamaroiroi atu ei kia maata te aroa, e i te angaanga memeitaki ra; auraka e akaruke i to tatou akaputuputu anga.” (Ebera 10:​24, 25) I te uipaanga, ka aravei koe i te aronga e manako ra i tetai e tetai, mei ia koe rai, te inangaro ra i te apii maata no runga i te Atua. Ka rongo koe ia ratou e pau maira i to ratou manako pumaana mei te Pipiria. (E tatau ia Roma 1:​11, 12.) Ka pukapuka koe ki te aronga tei akakoromaki ana i te au manamanata, ki te aronga kare i akaipoipo e te aronga akaipoipo. Ko teia tetai tumu i inangaro ei a Iehova kia uipa putuputu tatou!

KIMI OONU

4. Uipaanga a te Au Kite o Iehova

I te anere mataiti mua, kua uipa putuputu te au Kerititiano no te akamori ia Iehova. (Roma 16:​3-5) E tatau ia Kolosa 3:16, e oti uriuri i teia uianga:

• Akapeea te au Kerititiano mua i te akamorianga ia Iehova?

VITIO: Eaa te Raveia Ana i ko i te Are Uipaanga Patireia? (2:12)

• Eaa taau i kite i ko i te Are Uipaanga Patireia tei aite ki taau i tatau i roto ia Kolosa 3:16?

• I roto i te vitio me kore te tutu, eaa atu tetai apinga e kite ra koe i te uipaanga?

E tatau ia 2 Korinetia 9:7, e oti uriuri i teia uianga:

• Eaa ra kare e tutakiia ana te uipaanga a te Au Kite o Iehova?

Akara korua ko toou puapii eaa te ka uriuriia i ko i te uipaanga no te reira epetoma.

• Ko teea tuanga o te uipaanga ka inangaro koe i te kite maata atu e ka puapingaia kia koe?

Kua kite ainei koe?

I runga i te jw.org, ka rauka ia koe te kimi i te ngai e te ora no te uipaanga e raveia ana i te ao katoa.

1. A. I te uipaanga, e orongaia ana te ako, te akatutuanga, e te akaarianga vitio. Akamata e ka taopenga te uipaanga na roto i te imene e te pure

2. E. I tetai tuanga o te porokaramu, ka patiia te katoatoa kia paupau

3. NG. Ārikiia te katoatoa​—te ngutuare tangata, te aronga takaua, te aronga pakarikari, e te tamariki

4. I. Kare e tutakiia ana te uipaanga. Kare te Au Kite o Iehova e koʼi moni ana

5. Anoanoia kia maroiroi no te aere ki te uipaanga

Akamanako i te akaraanga o te ngutuare o Iesu. Kia tae ki te uipaanga i te mataiti, ka aaere ratou e 100 kiro mita ki runga i te maunga mei Nazareta ki Ierusalema. E tatau ia Luka 2:​39-42, e oti uriuri i teia au uianga:

• I toou manako ka anoanoia ainei ratou kia maroiroi i te aere ki Ierusalema?

• Eaa te tumu kia aruaru tatou kia tae ki te uipaanga?

• I toou manako e puapinga ainei te reira? Eaa ra?

• Eaa te tumu ka aere putuputu ei tatou ki te uipaanga?

APIIANGA

Ka riro te uipaanga ei tauturu ia koe kia apii maata atu ia Iehova, kia akaketaketa i toou pirianga, e te akamori kapiti iaia.

Uriurianga

• Eaa ra a Iehova i akamaroiroi ei ia tatou kia uipa kapiti?

• Eaa taau ka apii mai i te uipaanga a te Au Kite o Iehova?

• Akapeea koe me puapingaia me aere ki te uipaanga?

KIMI KIMI

Akapeea me kua ru koe i te aere ki te uipaanga? Akamanako i tetai tangata tei pera ana, e kua mataora aia i te aere ki te uipaanga.

Kare e Akangaropoinaia te Aroa (4:16)

Kua mataora tetai taeake mapu i te aere ki te uipaanga e eaa tana i rave kia tae putuputu ki reira.

Reka Tikai Au i te Uipaanga! (4:33)

Kua mataora tetai aronga i te aere ki te uipaanga.

“Eaa Koe ka Aere ei ki te au Uipaanga i ko i te Are Uipaanga Patireia?” (Web atikara)

Akapeea tetai tangata kino te taui anga i tona oraanga, i muri ake i te aere anga ki te uipaanga a te Au Kite o Iehova.

“E Apai Ana au i Taku Pupui ki te au Ngai Ravarai” (Te Punanga Tiaki, Tepetema-Okotopa, 2014)