Au Uianga a te Aronga Tatau

Ka akaoti ainei tatou mei Mataio 11:11 e kua kite takere a Iesu i mua ake e ka mate a Ioane Bapetizo i mua ake ia Iesu?

Ae, kua kite papu a Iesu e kare a Ioane e ora kia riro ei Kerititiano akatainuia, kua karanga ra a Iesu e: “E tuatua mou taku e tuatua kia kotou nei, Ta te vaine i anau nei, kare atu ïa e maata atu ia Ioane bapetizo nei: ko te iti rava ra i te basileia o te ao ra, e maata atu ïa iaia.”​—Mataio 11:11.

Mei te akakite anga te angera ko Gaberiela i to Ioane anau anga mai, kua akakite maira aia e ka rauka mai ia Ioane “ma te vaerua e te mana o Elia, . . . ei akonokono i tetai pae tangata e tau no te Atu.” Kua riro mai a Ioane e koia a mua i te akateateamamaoanga i te iti tangata no ta Iehova Mesia. Inara, kare e apinga mei te atua mai i roto i te reira akakitekite anga te akakite ra e ko Ioane uaorai tetai ka riro mai ei pipi na te Mesia te aere maira, e kare rava e akakite anga mei tera rai i rave ia ra i roto i te tuatua totou tei maaniia e te Metua o Ioane ko Zecharia.​—Luka 1:17, 67-79.

E no reira, i muri ake i to Iesu papetitoanga, kua aere akaou atura a Ioane ma te tutu aere e te papetito, e te pirianga ki tana angaanga kia akonokono i te tangata. Ma tetai temeio kua kite a Ioane e kua oronga a Iesu i tetai papetito anga ma te vaerua tapu, inara kare a Ioane i tuatua ana e koia tetai te ka rauka mai te vaerua tapu, e ka riro mai e koia tetai Kerititiano akatainuia. (Mataio 3:11) Kua kite katoa a Ioane e ka aere te akameangitianga kiaia, koi aere atura te maataanga kia Iesu.​—Ioane 3:22-30.

I to Iesu tuatua anga i ta tatou e tatau ra i roto ia Mataio 11:11, kua tapeka takereia a Ioane. Kua akakite takere atu a Iesu i mua ake e ko teia peroveta tei tapekaia e iti ake i te okotai koia te ka tavini i te tuatau ki mua ei ariki taunga i te au rangi ra. Tera ra, kua kite katoa oki a Iesu e ka mate vave a Ioane, te patianga te tutu mua o te enua ra i mua ake te mataara “ou” i akatueraia ki te ora i te rangi. (Ebera 10:19, 20) Ko te aiteanga o te reira e kare a Ioane i ora i te tuatau o te Penetekote 33 T.N., i te akamataanga te akatainuanga i te au pipi a Iesu ma te vaerua. No reira, i ta Iesu tuatua anga ia Mataio 11:11 ka rauka ei akakiteanga e kua kite aia e kare a Ioane e aere ki te rangi ra.