APII 58
Kia Vai Tiratiratu Kia Iehova
Kare te au Kerititiano mou e akatika ana i tetai ua atu apinga me kore tangata kia tamanata i ta ratou akamorianga kia Iehova. Papu te manako akapera ra koe. Akaperepere a Iehova i toou tu tiratiratu. (E tatau ia 1 Paraleipomeno 28:9.) Eaa te au turanga te ka timata i toou tu tiratiratu kiaia, e eaa taau ka rave me tupu te reira?
1. Akapeea tetai pae me timata i to tatou tu tiratiratu kia Iehova?
Ka tauta tetai aronga i te tāpū ia tatou kia kore e tavini ia Iehova. Koai mā ratou? E aronga teia tei akaruke i te tuatua mou e kua tuatua pikikaa no runga i ta te Atua akaaerenga e kia takore i to tatou akarongo. Kapikiia ratou ko te au apoteiti, e aronga teia tei akaruke i te akarongo. Te akatotoa ra te au arataki akonoanga i te au pikikaa no runga ia tatou kia akakeu i te aronga mārama kore kia akaruke i te tuatua mou. E kino kia taumāro ki teia aronga patoi, te tatau i ta ratou puka e te au blog, te aere ki runga i ta ratou website, e te akara i ta ratou au vitio. Karanga a Iesu no te aronga tei tāpu i tetai pae kia kore e tavini tiratiratu ia Iehova: “E vaoo ua atu; e matapo arataki matapo ïa. E kia arataki te matapo i te matapo, e topa kapipiti ïa ki roto i te vaarua.”—Mataio 15:14.
2. Eaa te au ikianga te ka timata i toou tiratiratu kia Iehova?
Me akaperepere tatou ia Iehova ka kopae tatou i tetai ua atu angaanga akonoanga pikikaa. Kare katoa tatou e o atu ki te ngai angaanga e te au akaaereanga e tetai ua atu angaanga te o maira te akonoanga pikikaa. Akamatakite maira a Iehova: “Ka aere ke mai ana kotou ki vao [ia Babulonia Maata], e aku au tangata.—Apokalupo 18:2, 4.
KIMI OONU
Apii akapeea koe me kopae i tetai ua atu tei akaparuparu i toou tiratiratu kia Iehova. E kia vai tiratiratu na te akaatea anga mai ki vao ia Babulonia Maata.
3. Kia matakite i te au puapii pikikaa
Eaa ta tatou ka rave me rongo tatou i te au mea tau kore tei akakiteia no runga i ta Iehova akaaerenga? E tatau ia Maseli 14:15, e oti uriuri i teia uianga:
Eaa tatou ka matakite ei auraka e irinaki ua i ta tatou ka akarongo?
E tatau ia 2 Ioane 9-11, e oti uriuri i teia au uianga:
Eaa ta tatou ka rave ki te au apoteiti?
Noatu kare tatou e piri atu ki te au apoteiti, akapeea tatou te rongo anga i ta ratou apiianga?
Eaa toou manako i to Iehova manako me akarongo tatou ki te au tuatua tau kore no runga iaia e tana akaaerenga?
4. Kia vai tiratiratu ki te Atua me rave tetai taeake i te ara
Me kua kite tatou i tetai i roto i te putuputuanga tei rave i te ara kino, eaa ta tatou ka rave? Akamanako i teia kaveinga i roto i ta te Atua Ture ki to Iseraela taito. E tatau ia Levitiku 5:1.
Mei tei taikuia i tera irava, me kite tatou e kua rave tetai i te ara kino, ka akakite tatou ki te aronga pakari. Inara, i mua ake ka rave ei i te reira, ka akamaroiroi tatou iaia kia aere ki te aronga pakari kia aaki i tana ara. Me kare aia e aere, ka akakite tatou ki te aronga pakari kia tiratiratu kia Iehova. Akapeea teia te akaari anga i te aroa tiratiratu no . . .
te Atua ko Iehova?
te tangata tei ara?
te putuputuanga?
Me e manamanata to tetai taeake, e tauturu iaia!
5. Akaatea mai ki vao ia Babulonia Maata
E tatau ia Luka 4:8 e Apokalupo 18:4, 5, e oti pau i teia au uianga:
Tei runga ainei toku ingoa i te retita a tetai akonoanga pikikaa?
Tei roto ainei au i tetai akaaereanga akonoanga ke?
Te turu ra ainei taku ngai angaanga i te akonoanga pikikaa?
E au ngai ainei tetai kia akaatea mai au ki vao i te akonoanga pikikaa?
Me ka pau au ae ki tetai o teia au uianga, eaa taku ka rave?
E rave i tetai iki anga kia rauka te akava ngakau meitaki e kia vai tiratiratu kia Iehova.
Eaa taau ka rave me patiia mai koe kia akaputu moni no tetai akaaereanga akonoanga?
KARANGA TE TANGATA: “Ka inangaro au i te kite eaa ta te au apoteiti e karanga ra no runga i te Au Kite o Iehova kia rauka iaku i te paruru i te tuatua mou.”
E manako tau ainei teia? Eaa ra, e eaa ka kore ei?
APIIANGA
Kia vai tiratiratu kia Iehova, auraka tatou e piri atu ki te aronga te ka pikikaa ia tatou.
Uriurianga
Eaa tatou ka kore ei e akarongo i te au manako o te aronga pikikaa?
Me kite tatou e kua rave tetai taeake i te ara kino, eaa ta tatou ka rave?
Akapeea tatou me aru i te akamatakiteanga kia akaatea mai ki vao i te akonoanga pikikaa?
KIMI KIMI
Apii akapeea me akaatea mai mei te aronga tei akakite i te pikikaa no runga i te Au Kite o Iehova.
“Kua Kite Ainei Koe i te Tika Ravarai?” (Te Punanga Tiaki, Aukute 2018)
Akapeea koe me akataka i te au akaaereanga e te au angaanga te turu ra ia Babulonia Maata?
Eaa ta tetai aronga patoi i rave kia akaparuparu i to tatou akarongo?
I roto i te tua “Kimi Ana Au i te Atua Mei Toku Tamariki Anga,” e tatau no runga i tetai orometua Shinto tei akaruke i te akonoanga pikikaa.
“Taui te Pipiria i te Oraanga” (Te Punanga Tiaki, Tiurai 1, 2011)