Akapapuia te Tinamou Anga Kai i Teianei Ao—Na Teea Tu?

“PENEI kare to tatou tauta anga tikai e rava no te akono i te tinamou anga kai ta tatou i kite no te maata anga o teia anere mataiti,” i tuatuaʼi a Lester Brown, te peretiteni o te Worldwatch Institute i Washington, D.C. Kia tau ki te makatini New Scientist, i te akamata anga o te 1995, kua topa roa te putunga titona o teianei ao ki raro ki te 255 mirioni tane​—tei rava no te angai i teianei ao e 48 ua ra. I te au mataiti i mua atu me topa te au putunga ki raro ake i te 60 ra, kua rauka i te putunga i te akaki akaou mai. Inara i teianei kare te Worldwatch i papu i te ka rauka i te enua i te akaoki mai i tei ngaro ra.

I muri ake i te toru mataiti o te au mou kino ma te maata o te au enua tutupu e taangaanga ra i te titona no te angai manu, e meangiti ua te titona toe no te aronga putaua tei umuumu i te reira ei kai matauia. Kua akamatakite te New Scientist e me kare te turanga e akono vivikiia, ko te okotai pirioni au tangata tei akapou e 70 patene i ta ratou moni angaanga ki runga i te kai penei ka akamata i te pongi.

Kua totou te Pipiria e ka kite te au tangata enua o to tatou tuatau nei i te “onge.” (Luka 21:11) Inara kua kite te Atua i te manamanata. E tikai, tona manako anga mai i to te tangata nei manamanata ka akaari takiriia me akatere tona Patireia i te au angaanga i te enua nei. A te reira taime “e ua maata mai ei te enua.” “E manga sitona okotai rima i ki i te enua nei, i runga i te take o te au maunga ra.” (Salamo 67:6; 72:16) I reira e akatupuiaʼi teia au tuatua totou no runga i Tei Anga: “Kua atoro mai koe e kua akamauu i te enua; kua maata roa i te meitaki ia koe . . . Kua kapi pu ua oki te au o i te sitona.”​—Salamo 65:9, 13.

[Akameitakianga no te Tutu i te kapi 32]

Inset: Pictorial Archive (Near Eastern History) Est.