• Paruruanga i to Tatou Akarongo
    Te Punanga Tiaki—1998 | Titema 1

    • 12. Eaa te au turanga tei akakeu ra ia Paulo raua ko Banaba kia tuatua ma te mataku kore i Ikonio?

      12 Akamanako katoa i te akatauanga a Paulo raua ko Banaba. Te tuatua ra ia Angaanga 14:1, 2: “Aere katoa atura raua ki roto i te sunago o te ngati Iuda i Ikonio, e no ta raua tuatua i akarongo ei to te ngati Iuda e te Eleni katoa e manganui. To te ngati Iuda ra, kare i akarongo ra, taoriori atura ratou i te au etene, e akaki atura oki i to ratou ngakau ki te riri i te au taeake ra.” Te tatau ra The New English Bible: “Mari ra kua taoriori atura te au ngati Iuda, kare ra i tauiia, i te au Kenitara e kua poitini atura i to ratou manako anga i te au Kerititiano ra.” Kare i mareka i ta ratou uaorai kopaeanga i te tuatua ra, kua rave atu te au ngati Iuda patoi ra i tetai ravenga tairo anga, i te tauta anga kia akariri i te aronga Kenitara ra ki te au Kerititiano ra.a Mei teaa ra te oonu to ratou makitakita i te akonoanga Kerititiano ra! (Akaaite ia Angaanga 10:28.) Kua manako ngakau a Paulo raua ko Banaba ko teianei “e tuatau to te tuatua,” kia kore te au pipi ou ra e riro kia ngakau kore no te akakino anga a te au tangata ra. “E noo anga roa to raua [to Paulo raua ko Banaba] i reira i te tuatua anga i te tuatua a te Atu [a Iehova] ma te mataku kore,” tei akaari ra i tona mareka anga na te akamaroiroianga ia raua kia rave i te au akairo temeio ra.​—Angaanga 14:3, 4.

  • Paruruanga i to Tatou Akarongo
    Te Punanga Tiaki—1998 | Titema 1

    • a Kua akataka mai ta Matthew Henry’s Commentary on the Whole Bible e “kua rave te aronga ngati Iuda patoi ra ei pitiniti na ratou kia aere akakoro atu ki taua [au Kenitara] ra ta ratou i matau ra, e kua tuatua i ta to ratou manako katoa ra me kare riri i akatupu, kia tuku ki roto ia ratou ra kare ei meitaki mari ra ei manako kino no te akonoanga Kerititiano ra.”