Te Pipiria—E Puka Umere Tikai

Kua kapikiia e e puka oko maataia atu i teianei ao, e tika ia. Te tatauia ra te Pipiria e e akaperepere maataia atu i tetai ua atu puka. Ki teia ra, kua tamanakoia e kua tuaia (te katoa anga me kore tetai tuanga) e a piri­oni au kopi e tere atu i te 2,000 au reo.

Inara, te mea umere roa atu i te maata o te Pipiria e vaira, ko tona tata anga tu-Atua. “Te au tuatua tapu katoa i tataia ra, e mea akauruia mai e te Atua,” i tata ei te apotetoro Kerititiano ko Paulo. (2 Timoteo 3:16) Eaa te aiteanga o teia? Te tuatua “akauruia mai e te Atua” (Ereni, the·oʹpneu·stos) te aite anga tikai “akaeaia e te Atua.” Tetai atu tuatua Ereni, pneuʹma, te aite anga “vaerua.” No reira, kua karangaia e kua akakeuia te au tangata tata e te vaerua tapu o te Atua, te akaea anga ki rungao ia ratou, ei akatutu anga, e raukaʼi i te openga i te kapiki tikaiia e e Tuatua na te Atua, kare na te tangata. E tikai, e manganui tei apii i te Pipiria kua umere i te katoa anga o tona tu rotai, tona tu tika i te pae o te manako taineti, te tu tika e te tau o tona aronga tata, e tei puapinga maata atu, ko tona au totou tei akatupuia​—kua riro katoatoa ei akakeu i te au mirioni ua atu aronga tatau tei manako e e teitei atu to teia puka tumu i tetai ua atu tangata.a

Inara eaa te vaitata to te Atua arataki anga i te tataanga o te Pipiria? Kua karanga etai pae e nana i tuatua i te au tuatua tikai o te Pipiria. Kua karanga tetai pae e kua akauru ua aia i te au manako tei kitea i roto i te Pipiria, kare te au tuatua. Te tika anga tikai, ra, kare te akauru anga e kotingaia ki te okotai ravenga, no te mea kua tuatua te Atua ‘e manganui te tu ki te ui tupuna i te au peroveta.’ (Ebera 1:1; akaaite ia 1 Korinetia 12:6.) I roto i te atikara ka aru mai, ka akara matatio tatou i te au tu ta te Atua tuatua anga ki etai 40 au tangata tei tata ra i te Pipiria.

[Tataanga Rikiriki i Raro]