APII 11

Te tu Oraora

Roma 12:11

MANAKO MAATA: Akakeu i te tangata na te tuatua anga na roto i te tu tukatau.

Kia akakeu katoaia toou ngakau e taau karere. Me akapapa koe no taau tuanga apii, akamanako meitaki i te puapinga o taau karere. Akapapa meitaki i taau ka apii i te tangata, kia rauka ia koe te tuatua no roto mai i toou ngakau.
Akamanako i te tangata. Akamanako marie akapeea te tangata e puapingaia ai mei taau ka tatau, me kore mei taau ka apii ia ratou. Akamanako katoa eaa te au ravenga e pakia ai to ratou ngakau i taau karere.
Kia oraora taau apii. Tuatua ma te tukatau. Taangaanga i toou rima e toou tutu mata ei akaari i toou manako no runga i taau e apii ra.

Akamaara ra, kia tauiui i te akatutuanga a toou rima e e tumu tau tetai ka rave ei koe i te reira. Kia oraora toou tu me apii koe i te au manako maata, e me te akamaroiroi ra koe i te au taeake. Kia akamaara katoa i te au tangata, no reira eiaa e puai roa toou tu oraora.