AKAMATA I TETAI PUKAPUKA ANGA
APII 2
Pukapuka Ua
Kaveinga: “Te tuatua ra i tuatuaia i te tuatau e tau ei, e meitaki roa ïa.”—Mase. 15:23.
Ta Philipa i Rave
1. Akara i te VITIO, me kore e tatau ia Angaanga 8:30, 31. E oti akamanako i te au uianga:
a. Akapeea a Philipa te akamata anga i tana pukapuka?
e. Eaa teia i tau ei ei akamata i tetai pukapuka anga e te akakite i tetai apii ou ki teia tangata?
Eaa te Apiianga Mei ia Philipa?
2. Me pukapuka ua tatou ki te tangata, ka maru mai ratou e ka akarongo ki ta tatou karere.
Aru ia Philipa
3. Akara meitaki. Ka kite koe i te tu o te tangata na roto i to ratou tutu mata e to ratou akaraanga. Te inangaro maira ainei aia i te pukapuka kia koe? Penei ka ui koe kiaia i tetai manako mei roto i te Pipiria, “Kua kite ainei koe e . . . ?” Eiaa e māro atu me kare aia e inangaro i te tuatua mai.
4. Tiaki marie. Eiaa e manako, e kia akamata vave koe i te pukapuka no runga i te Pipiria. E tiaki ra i te taime tau, e penei me oki akaou koe i te atoro iaia.
5. Akatanotano. Penei ka tuatua mai aia i tetai manako tuke takiri. No reira, kia papa ua koe i te akaari i tetai manako tei tau ki tona manako, noatu ka uriuri korua i tetai apiianga Pipiria ke mei taau i manako.