Tuanga 1: Au Irinakianga Kerititiano

Na roto i taau apii Pipiria ki te Au Kite o Iehova, kua mārama koe i te tuatua mou. Taau i apii, kare e ekoko kua riro ei akaketaketa i toou pirianga ki te Atua, e kua oronga mai te manakonakoanga no te tuatau ki mua, e te au akameitakianga o te enua parataito i raro i te tutara a te Patireia o te Atua. Kua akamatutuia toou akarongo i roto i te Tuatua a te Atua, e i toou piri anga ki te putuputuanga Kerititiano, e maata te akameitakianga taau i kite. Kua mārama koe eaa ta Iehova e rave nei no tona iti tangata i teia tuatau.—Zeka. 8:23.

Ia koe e akapapa nei no te papetito, ka riro te uriuri anga i te au irinakianga Kerititiano ki te aronga pakari o te putuputuanga ei tauturu ia koe. (Ebe. 6:1-3) Kia akameitaki mai a Iehova i taau tautaanga kia kite no runga iaia, e kia rauka te ora mutu kore tana i totou mai.—Ioa. 17:3.

1. Eaa koe ka inangaro ei kia papetitoia koe?

2. Koai ra a Iehova?

• “Ko Iehova anake ra te Atua ki runga i te rangi, e ki raro katoa i te enua nei, kare atu e Atua.”—Deu. 4:39.

• “Ko Iehova toou ingoa, e ko koe anake Tei Teitei i te enua katoa nei.”—Sala. 83:18.

3. Eaa ra i puapinga ai kia taangaanga koe i to te Atua ingoa?

• “Na ko kotou kia pure: E to matou Metua i te ao ra, Kia tapu toou ingoa.”—Mata. 6:9.

• “Ko te kapiki i te ingoa o te Atu ra, e ora ïa.”—Roma 10:13.

4. Eaa tetai au taoonga ta te Pipiria i akakite no runga ia Iehova?

• “Ko Iehova, ko Tei Anga i te enua e tae ua atu ki te openga ra.”—Isa. 40:28.

• “E to matou Metua i te ao ra.”—Mata. 6:9.

• “Ko te Atua oki te aroa.”—1 Ioane 4:8.

5. Eaa ra taau ka oronga kia Iehova?

• “E anoano atu koe i toou Atua ia Iehova ma to ngakau katoa, e ma to vaerua katoa, e ma to manako katoa, e ma to ririnui katoa.”—Mare. 12:30.

• “Ko toou Atua ra ko Iehova taau e akamori, e koia anake rai taau e akarongo.”—Luka 4:8.

6. Eaa koe ka inangaro ei kia vai tiratiratu kia Iehova?

• “E taku tamaiti, kia pakari koe, kia rekareka toku ngakau, kia tika iaku kia patoi atu i tei akakino mai iaku nei.”—Mase. 27:11.

7. Ka pure koe kiaai, e na roto i toai ingoa?

• “Tika, tika tikai taku e karanga atu kia kotou, Ta kotou e pati atu i te Metua ma toku ingoa, nana ïa e o mai kia kotou na.”—Ioane 16:23.

8. Eaa tetai au apinga taau ka rauka i te pure?

• “Na ko kotou kia pure: E to matou Metua i te ao ra, Kia tapu toou ingoa. Kia tae toou basileia. Kia akonoia toou anoano i te enua nei, mei tei te ao katoa na. O mai i te kai e tau ia matou i teianei rā. E akakore mai i ta matou ara, mei ia matou i akakore i ta tei ara ia matou nei. Auraka e akaruke ia matou kia timataia mai, e akaora ra ia matou i te kino.”—Mata. 6:9-13.

• “Teia taua taitaia kore no tatou i rauka iaia ra, kia pati ua atu tatou i te au mea ravarai i tau iaia ra, te akarongo maira aia ia tatou.”—1 Ioane 5:14.

9. Eaa te tumu kare a Iehova e akarongo mai i te pure a tetai tangata?

• “Ei reira ratou e kapiki atu ei kia Iehova, kare ra aia e akarongo mai ia ratou . . . no te mea kua kino ïa ta ratou au ravenga.”—Mika 3:4.

• “Tei te aronga tuatua-tika ra to Iehova mata, e tei ta ratou kapiki tona taringa; e mata ke ra to Iehova i te aronga i rave i te kino.”—1 Pete. 3:12.

10. Koai ra a Iesu Mesia?

• “Kua tuatua mairā Simona Petero, na ko maira, Ko te Mesia koe, ko te Tamaiti a te Atua ora.”—Mata. 16:16.

11. Eaa te tumu i aere mai ei a Iesu ki te enua nei?

• “Kare oki te Tamaiti a te tangata i aere mai kia taviniia tona, ei tavini ra, e kia oronga i tona ora ei oko no te tangata e manganui.”—Mata. 20:28.

• “E tutu aere rai au [Iesu] i te evangelia o te basileia o te Atua i te au oire ke atu e tikaʼi; i tonokia mai ei oki au.”—Luka 4:43.

12. Akapeea koe me akaari i te tu āriki rekareka no ta Iesu atinga?

• “E i mate oki aia no te tangata ravarai, kia kore te aronga e ora ra e akono akaou ia ratou uaorai i te ora anga nei, kia akono ra iaia i tei mate e tei tu akaou no ratou ra.”—2 Kori. 5:15.

13. Eaa te mana tei orongaia kia Iesu?

• “Ko te mana katoa o to te rangi e te ao katoa nei, kua tukuia mai, tei iaku anake.”—Mata. 28:18.

• “I akateitei rava atu ei te Atua iaia, e kua oronga mai i te ingoa i maata ua atu i te teitei i te au ingoa ravarai nei nona.”—Phili. 2:9.

14. Te irinaki ra ainei koe e ko te Pupu Akaaere o te Au Kite o Iehova “te tavini akono meitaki e te pakari” ta Iesu i iki?

• “Koai te tavini akono meitaki e te pakari, i ta tona pu i akaaere i tona ngutuare, ei tua i te kai na ratou i te ora mou ra?”—Mata. 24:45.

15. E tangata ainei te vaerua tapu?

• “Kua tuatua maira te angela, i te na ko anga mai kiaia, Ka eke mai te vaerua tapu ki rungao ia koe, e na te mana o Tei Teitei e tamaru i rungao ia koe; e tuatuaiaʼi oki tenana tamaiti tapu, i te Tamaiti na te Atua.”—Luka 1:35.

• “E te tika na ia kotou, kino ua rai, kia oronga i te mea meitaki no ta kotou tamariki, ka tangaʼi oki i to kotou Metua i te ao ra, i te oronga i te vaerua tapu i te aronga e pati atu aia ra.”—Luka 11:13.

16. Akapeea a Iehova te taangaanga anga i tona vaerua tapu?

• “Na te tuatua a Iehova i oti ei te au rangi: e to ratou katoa ra nuku i te aʼo o tona vaa.”—Sala. 33:6

• “Ka rauka ra to kotou mana i te vaerua tapu, kia aere mai aia i rungao ia kotou; e ei kite oki kotou noku . . . e tae ua atu ki te openga o te enua ra.”—Anga. 1:8.

• “Te au totou ravarai i roto i te tuatua i tataia ra, kare ïa te mea kimiia e te tangata uaorai. Kare oki to te inangaro o te tangata i tae mai ei te totou i taito ra; ko te au tangata tapu ra o te Atua tei tuatua i ta te vaerua tapu i tuku mai ia ratou ra.”—2 Pete. 1:20, 21.

17. Eaa ra te Patireia o te Atua?

• “E akatupu ei te Atua no te rangi i tetai basileia, te ka kore rava e akakoreia e tuatau ua atu: kare oki taua basileia ra e riro i etai ke, e riro na te reira e akapueurikiriki e e akapou i taua au basileia katoa ra, e ka vai rai te reira e tuatau ua atu.”—Dani. 2:44.

18. Eaa te akameitakianga ta te Patireia o te Atua ka oronga mai noou?

• “E nana e orei i te roi-mata katoatoa; e e kore rava te mate, e te aue, e te mii; e te mamae oki, e kore katoa ïa; no te mea kua kore te au mea taito.”—Apo. 21:4.

19. Akapeea koe e kite ei e kare e roa atu ana ka tae mai te au akameitakianga a te Patireia?

• “Kua aere poiri ua maira te au pipi kiaia, na ko maira, E akakite mai koe ia matou i te tupu anga o taua au mea nei, e te akairo o toou aerenga mai, e te openga o teianei ao. Kua karanga aturā Iesu kia ratou, . . . E tu mai tetai enua e tamaki mai ki tetai enua, e tetai basileia e tamaki mai ki tetai basileia: e onge oki, e te maki-mate, e ngaruerue te enua i tera ngai, i tera ngai. E tutu aereia te evangelia o te basileia nei, e kako rava ake te ao katoa nei; ei kite no te pa enua ravarai; ko te openga iora ïa i reira ra.”—Mata. 24:3, 4, 7, 14.

• “Ka tupu te kino maata i taua tuatau openga ra, . . . E riro te tangata nei ei akaperepere ia ratou uaorai, ei noinoi, ei akatietie, ei nengonengo, ei akakino, ei akarongo kore ki te metua, ei mareka kore, ei viivii, Ei aroa kore, ei akaatikau koreromotu ra, ei tapepe pikikaa, ei mako kore, ei rotoriri, ei akavaavaa i te tangata memeitaki ra, Ei pikikaa, ei māro, ei ngakau akateitei, ei anoano i te au mea e navenave ei ra, kare i anoano i te Atua; E tutu akono i te Atua to ratou, kareka te mana ra, kua akakore ratou i te reira.”—2 Timo. 3:1-5.

20. Akapeea koe me akaari e e puapinga te Patireia kia koe?

• “E na mua ra kotou i te kimi i te basileia o te Atua, e te tuatua-tika nana ra.”—Mata. 6:33.

• “Kua karanga aturā Iesu ki tana au pipi, Ko tei inangaro i te aru mai iaku, e akaruke aia iaia uaorai, e rave i tana satauro, ka aru mai ei iaku.”—Mata. 16:24.

21. Koai ra a Satani e te au temoni?

• “Ko te diabolo to kotou metua . . . E ta tangata aia mei ito mairai.”—Ioane 8:44.

• “Uriia atura oki te taae maata ki vao, ko taua ovi taito ra ïa, ko tei karangaia i te diabolo ra, e ko Satani oki, ko tei pikikaa i to te ao katoatoa nei, i uriia aia ki vao ki runga i te enua nei, e tana au angela katoa, kua uri katoaia ki vao.”—Apo. 12:9.

22. Eaa ta Satani akaapaanga ia Iehova e te aronga e akamori ra Iaia?

• “Kua karanga atura te vaine ki taua ovi ra, E kai maua i to te au rakau o te kainga nei; Mari ra o to taua rakau i rotopu i te kainga nei, kua tuatua mai ïa te Atua e, Auraka korua e kai i to reira, auraka oki korua e arapaki atu, ka mate aea korua. Kua tuatua maira taua ovi ra ki te vaine, Kare rava korua e mate: Kua kite oki te Atua e, i te rā e kai ei korua i to reira, ka puera ïa to korua mata, e ka riro korua mei te Atua ra te tu, i te kite i te meitaki e te kino.”—Gene. 3:2-5.

• “Kua tuatua mairā Satani kia Iehova, e kua na ko maira, Ei kiri no te kiri, e riro oki ta te tangata katoa ra ei oko i tona ora.”—Iobu 2:4.

23. Akapeea koe me akapapu e kua tarevake ta Satani akaapaanga?

• “Ka akamori ei [i te Atua] ma te ngakau tiratiratu.”—1 Para. 28:9.

• “E mate ua atu au, kare rai au e pa i te tuatua-tika naku ra.”—Iobu 27:5.

24. Eaa te tumu i mate ei te tangata?

• “No te tangata okotai ra i o mai ei te kino i te ao nei, e no te kino oki te mate; e kua taea katoaia oki te tangata ravarai e te mate, no te mea kua ara katoatoa.”—Roma 5:12.

25. Eaa te turanga o te aronga tei mate?

• “Kua kite oki te aronga e ora nei e ka mate ratou: kare ra a te aronga i mate ra e tuatua i kitea.”—Kohe. 9:5.

26. Eaa te manakonakoanga no te aronga kua mate?

• “E tuakaouanga to tei mate, te aronga tuatua-tika e te aronga tuatua-tika kore.”—Anga. 24:15.

27. Eia tangata ka aere ki te rangi e ka tutara kapiti atu kia Iesu?

• “I na, te tu ua ra te Punua-mamoe ki runga i te maunga ra i Siona, ma te tangata katoa i vaitata iaia okotai anere e a ngauru ma a i te tausani, ma tona ingoa e te ingoa o tona Metua i te tata angaia ki rungao i to ratou rae.”—Apo. 14:1.