Èske in bonom i pe avoir pluzieur madam ?

Sak la Bib i di

Néna in lépok, Bondieu la lès bann bonom avoir pluzieur madam (Jenèz 4:19 ; 16:1-4 ; 29:18-29). Mé sé pa li la mèt sa an plas. Li la donn Adan in seul madam.

Bondieu la otoriz Jézu remèt an plas sak li té i ve pou le maryaj kan li la kré bann zumin, sètadir in seul madam pou in mesieu (Jan 8:28). Kan la poz a li le késtion, Jézu la di : « Le Kréateur, dann premié débu, la fé azot om é fam, é la di : “Sépousa, lom va kit son papa é son momon, é li nora in lien for èk son madam ; é zot deu i sra in seul chèr” » (Matieu 19:4, 5, Maredsous).

Plu tar, dirijé par léspri Bondieu, in disip Jézu la ékri : « I fo ke chak bonom néna son prop madam é ke chak madam néna son mari a èl » (1 Korintien 7:2). La Bib i di osi ke in bonom maryé i pe andos bann résponsabilité dan lasanblé lokal, seulman si li lé « maryé èk in seul madam » (1 Timoté 3:2, 12).