УРОКО 03
Можно ли тэ патяс э Библиякэ?
Дрэ Библия зачиндлэ бут обещании и исы бут советы ваш джиипэн. Можэт тукэ интересно тэ уґалёс пал со сыклякирэл адая книга. Нэ можэт кэ ту исы сомнения: «Чеинэ ли тэ патяс дро обещания и советы, савэ исы дрэ адая пураны книга?» Можно ли тэ патяс дро дова, со ракирэлпэс дрэ Библия пал джиипэн дадэвэс и будущё? Миллионы манушэн патян дрэ одова, со ракирэлпэс дрэ Библия. Давай подыкхаса, можэшь ли ту лакэ тэ патяс?
1. Саро со зачиндло дрэ Библия — ада чачипэн или хохаибэн?
Э Библия ракирэл, со дрэ латэ зачиндлэ «чачунэ лава» (Экклезиаст 12:10). Ей роспхэнэл пал события, савэ исыс и пал манушэндэ, савэ дживэнас прэ пхув. (Прогин Луки 1:3; 3:1, 2.) Э Библия точно дрэ одова, со пхэндэ историки и археологи, кэдэ ракирэлпэс пал конкретна даты, манушэндэ, штэты и событии.
2. Соскэ можно тэ пхэнэс, со э Библия на пуранёл?
Дрэ Библия ракирласпэс пал одова, со ещё никонэскэ наисыс известно. Например научна факты. Кэдэ чинэласпэс э Библия дрэ латэ бут со ракирэласпэс пал научна вопросы. Нэ исыс бут мануша, савэ гинэнас, со ада ошибка. Нэ дадэвэс наука подтвердила, со э Библия исыс точно. Лакирэ лава «чудэ прэ саро времё, про веко» (Псалом 111:8).
3. Соскэ можно тэ патяс, со дрэ Библия ракирэлпэс пал одова со явэла ангил?
Дрэ Библия зачиндлэ пророчестваa «пал одова, со ещё накэрдяпэс» (Исаия 46:10). Дрэ латэ исыс ґара роспхэндло пал бут историческа событии. Адякэжэ дрэ латэ бут бэрш палэ исыс точнэс зачиндло, со кэрэлпэс дадэвэс. Дрэ адава уроко амэ роскэдаса некотора пророчества. Онэ исполняются дажэ дрэ набарэ подробности!
УҐАЛЁВ БУТЫР
Давай подыкхаса, соскэ можно тэ пхэнэс, со дадэвэс наука сджялпэс э Библияса. Адякэжэ амэ роскэдаса интересна библейска пророчества.
4. Наука сджялпэс э Библияса.
Дрэ ґаратунэ бэрша мануша думиндэ, со пхув прэ сото тэрды. Подыкхэн ВИДЕО.
Подыкхэн, со ракирэласпэс дрэ книга Иов кайто 3500 бэрш палэ. Прогинэн Иов 26:7 и роскэдэн:
Соскэ, кэдэ ракирнас, со пхув нарикирэлпэс «ни прэ со», исыс необычно дрэ одова времё?
Только дро 19 веко мануша полынэ сыр кэрэлпэс круговорото паны дрэ природа. Нэ подык, со исыс зачиндло дрэ Библия нанэ екх тыща бэрш палэ. Прогинэн Иов 36:27, 28 и роскэдэн вопросы:
Со ту думинэс пал круговорото паны дрэ природа?
Кэрэн ли зоралэдыр тыро патябэн дрэ Библия стихи, савэ ту прогиндян?
5. Дрэ Библия исыс зачиндлэ историческа важна событии.
Прогинэн Исаия 44:27—45:2 и роскэдэн:
Пал 200 бэрш, сыр лэнэ Вавилоно, дрэ Библия уже ракирдяпэс пал адава. Савэ подробности исыс зачиндлэ?
История ракирэл, со персидско царё Киро пэскирэ халадэнца дро 539 бэрш кэ амари эра лэя Вавилоно. Онэ отлыджинэ о паны рэкатэр, саво ракхэлас форо, дрэ явир риг. И онэ загэнэ дро форо через откэрдэ удара. И лэнэ форо би марибнаскиро. Прогэя бутыр чем 2500 бэрш, нэ Вавилоно ачьяпэс розмардо кэ амарэ дэвэса. Подык, сыр адава исыс зачиндло дрэ Библия.
Прогинэн Исаия 13:19, 20 и роскэдэн:
Сыр исполнилось адава пророчество?
Розмардо Вавилоно дадэвэс дро Ирако
6. Дрэ Библия ужэ ґара ракирдяпэс пал одова, со дро миро кэрэлпэс дадэвэс
Э Библия накхарэл амаро времё «последня дэвэса» (2 Тимофею 3:1). Энакэ, со дрэ Библия ракирэлпэс пал адава времё:
Прогинэн Матфея 24:6, 7 и роскэдэн:
Со пал последня дэвэса ракирэлпэс дрэ Библия?
Прогинэн 2 Тимофею 3:1—5, и роскэдэн вопросы:
Со дрэ Библия ракирэлпэс пал одова, сыр пэс лэна тэ лыджян мануша дро последня дэвэса?
Савэ качества бутыр сарэндэр ту дадэвэс дыкхэс дрэ манушэндэ?
КОНТА МОЖЭТ ТЭ ПХЭНЭЛ: «Дрэ Библия зачиндлэ сказки».
Со бутыр сарэстэр тут убеждает, со дрэ Библия можно тэ патяс?
ПОВТОРЕНИЁ
История, наука и пророчества, савэ исполнились ракирэн пал одова, со дрэ Библия можно тэ патяс.
Ваш обсуждениё
Саро со зачиндло дрэ Библия — ада чачипэн или хохаибэн?
Дрэ савэ вопросы наука сджялпэс э Библияса?
Сыр ту думинэс, можно ли тэ патяс дрэ библейска пророчества? Роспхэн.
ДЫКХ БУТЫР
Исы ли дрэ Библия научна ошибки?
Со амэнгэ известно пал «последня дэвэса»?
«6 важна пророчества. Онэ исполняются прэ тумарэ якха» («Сторожевая башня» 1 мая 2011 бэрш)
Уґалёв, сыр исполнились библейска пророчества пал Греческо Империя.
Прогин, сыр библейска пророчества парудэ екхэ муршэскиро отношениё кэ Библия.
«Мэ думиндём со Дэвлэс нанэ» («Сторожевая башня» № 5 пал 2017 бэрш)
a Пророчество — ада весть Дэвлэстэр пал одова, со явэла ангил.