Ту шај те ове е Јеховаскоро амал

О Јехова мангела те пенџаре ле пошукар. Соске? Ов џанела кај кобор повише ка сикљове башо лескере особине, лескири намера хем о начин сар постапинела е манушенцар, добором повише ка манге те ове лескоро амал. Ама, дали чаче шај те ове е Девлескоро амал? (Читин Псалм 25:14.) Со шај те кере те шај те ове лескоро амал? И Библија дела одговор ко акала пучиба хем сикавела соске о амалипе е Јеховаја тано о најважно амалипе со шај те овел тут.

1. Сави покана дела тут о Јехова?

„Овен паше е Девлеа, хем ов ка овел паше туменцар“ (Јаков 4:8). Со значинела акава? О Јехова канинела тут те ове лескоро амал. Несавенге шај те овел пхаро те замислинен песке те овен амала е Девлеа адалеске со нашти те дикхен ле. Ама, ко пло Лафи, и Библија, о Јехова откринела аменге са со ваљани те џана башо лескере особине те шај те ова паше леа. Кеда читинаја е Девлескири порака аменге сој пишими ки Библија, амаро амалипе е Јеховаја бајровела иако нашти те дикха ле.

2. Соске о Јехова тано о најшукар амал со шај те овел тут?

Никој на мангела тут повише таро Јехова. Ов мангела те ове бахтало хем те роде лестар помош кеда ваљани туке. Ту шај са тло пхарипе те фрде леске, соске ов грижинела пе туке (1. Петрово 5:7). О Јехова секогаш тано спремно те поможинел, те утешинел хем те шунел пле амален. (Читин Псалм 94:18, 19.)

3. Со родела о Јехова таро пле амала?

О Јехова мангела са е манушен, ама „паше амал тано околенцар сој тане чесна“ (Изреки 3:32). Ов родела таро пле амала те керен адава со ов вакерела кај тано шукар, а те на керен адава со ов вакерела кај тано лошно. Несаве шај мислинена кај бут пхаро тано те керен са адава со родела о Јехова. Ама, о Јехова тано милостиво хем хаљовела амен. Ов прифатинела секоле мануше со чаче мангела ле хем со бут трудинела пе те керел лескири волја (Псалм 147:11; Дела 10:34, 35).

ДОЗНАЈН ПОВИШЕ

4. О Авраам сине е Јеховаскоро амал

Таро библиско извештај башо Авраам (или Аврам) шај те дикха со значинела те ове е Девлескоро амал. Читин башо Авраам ки 1. Мојсеева 12:1-4, а пало адава керен лафи башо акала пучиба:

• Со вакерѓа о Јехова е Авраамеске те керел?

• Со ветинѓа леске о Јехова?

• Со керѓа о Авраам?

5. Со очекујнела о Јехова таро пле амала?

Обично амен очекујнаја несаве буќа таро амаре амала.

• Сар мангеа тле амала те постапинен туја?

Читин 1. Јованово 5:3, а пало адава керен лафи башо акава пучибе:

• Со очекујнела о Јехова таро пле амала?

Те шај те ова послушна е Јеховаске, амен шај ка ваљани те кера промене ко адава сар понашинаја амен хем ки амари личност. Читин Исаија 48:17, 18, а пало адава керен лафи башо акава пучибе:

• Соске о Јехова очекујнела таро пле амала те керен промене?

6. Со керела о Јехова пле амаленге

ВИДЕОКЛИПИ: О Јехова керѓа бут баши манде (3:20)

• Сар о Јехова поможинѓа е џувљаке таро акава видеоклипи те икљовел ко крајо пле негативна мисленцар хем чувствонцар?

Читин Исаија 41:10, 13, а пало адава керен лафи башо акала пучиба:

• Со ветинела о Јехова кај ка керел са пле амаленге?

• Со мислинеа, соске о Јехова тано шукар амал?

7. Те шај те ова е Јеховаскере амала, ваљани те кера леа лафи хем те шуна ле

Дуј амала овена попаше кеда керена лафи јекх јекхеа. Читин Псалм 86:6, 11, а пало адава керен лафи башо акала пучиба:

• Сар шај амен те кера лафи е Јеховаја?

• Сар о Јехова керела лафи аменцар?

СО СИКЛИЛЕМ

О Јехова мангела те овел тло амал, хем ов ка поможинел туке те шај те ове леа паше.

Сар ка одговорине?

• Сар о Јехова поможинела пле амаленге?

• Соске о Јехова родела пле амалендар те керен промене?

• Дали о Јехова очекујнела бут таро пле амала? Соске мислинеа аѓаар?

ИСТРАЖИН

Сар шај о амалипе е Девлеа те влијајнел упро тло живото?

„Јехова — Бог што вреди да се познава“ (Стражарска кула таро 15 февруари 2003)

Сикљов сар шај те ове е Девлескоро амал.

„Како да станам пријател со Бог?“ (Младите прашуваат — делотворни одговори (том 2), поглавје 35)

Дикх соске јекх џувли вакерѓа кај о амалипе е Јеховаја спасинѓа лакоро живото.

„Не сакав да умрам!“ (Стражарска кула бр. 1, 2017)

Шун несаве тинејџерија со вакерена башо адава со осетинена спрема о Јехова.

Со значинела те ове е Девлескоро амал? (1:46)