ТЕ КЕРА ПОВТОРНА ПОСЕТЕ
ЛЕКЦИЈА 9
Сикав сочувство
Начело: „Радујнен тумен околенцар сој радосна, ровен околенцар со ровена“ (Рим. 12:15)
Со керѓа о Исус?
1. Дикх о ВИДЕОКЛИПИ или читин Марко 6:30-34. Пало адава размислин башо акала пучиба:
а) Соске о Исус хем о апостолија геле ко „јекх тхан коте со нане никој“?
б) Со поттикнинѓа е Исусе те сикавел е манушен?
Со сикљоваја таро Исус?
2. О сочувство поттикнинела амен те поможина е манушенге, а на само те вакера ленге о шукар хабери.
Џа пало е Исусескоро пример
3. Шун шукар. Мукх е мануше те вакерел со мислинела. Ма чхинав ле џикоте керела лафи хем ле ко предвид сар осетинела пе, со секиринела ле или соске приговоринела. Адава со шукар ка шуне ле, ка сикавел кај важно туке со мислинела.
4. Размислин башо интересенти. Пало тумаре разговорија пуч тут:
а) Соске ваљани те дознајнел о чачипе?
б) Сар адава со ка проучинел и Библија ка поможинел леске акана хем ки иднина?
5. Вакер буќа со леске ка поможинен. Кобор со шај порано, сикав леске кај о библиско курси ка одговоринел ко лескере пучиба хем ка поможинел ле ко практично начин.