Предлогија башо лично проучибе хем баши Фамилијарно рат

Амен обожавинаја е Јехова кеда заедно е јаверенцар кхедаја амен ко амаре состанокија хем конгресија, ама хем кеда сием коркори или заедно амаре фамилијаја. Аке некобор предлогија башо тло лично проучибе хем баши Фамилијарно рат:

• Спремин тут башо состанокија. Исто аѓаар, шај те вежбине о гиља хем те поможине сариненге тари фамилија те спреминен коментари.

• Читин несаво библиско извештај. Пало адава, цртин слика таро јекх дело со читинѓан хем пишин со сиклиљан таро адава.

• Читин несави молитва сој пишими ки Библија хем размислин сар шај те поможинел туке тле молитве те овен пошукар.

• Дикх несаво видеоклипи ки jw.org, а пало адава кер башо адава лафи е јаверенцар или пишин туке со сиклиљан.

• Спремин тут баши служба. Шај некасаја тари тли фамилија те вежбине јекх презентација.

• Дикх о буќа со створинѓа лен о Јехова хем размислин со шај те сикљове лендар баши лесте.a