Сар осетинела пе о Девел кеда иси амен муке?

Несаве мануша мислинена кај о Девел на дикхела хем кај нане леске гајле кеда некој цидела муке.

РАЗМИСЛИН БАШО АДАВА СО ПХЕНЕЛА И БИБЛИЈА

• Е Девлеске нане са јекх кеда дикхела кај иси амен муке

  „О Јехова дикхља кај о лошнипе е манушенгоро ки пхув тано баро... хем дукхандило ле ко вило“ (1. Мојсеева 6:5, 6).

• О Девел ка чхинавел са о муке

  „Само панда хари, о лошно нане те овел више. Ка роде ле ко лескоро тхан, а ов нане те овел адатхе. А о кротка ка наслединен и пхув, хем ка уживинен ко баро мир“ (Псалм 37:10, 11).

• Со мангела о Девел аменге

  „’Ме бут шукар џанава саве тане мле намере туменцар‘, вакерела о Јехова, ’мангава те овел тумен мир, а на неволја, те дав тумен иднина хем надеж. Тумен ка викинен ман, ка авен ки манде хем ка молинен тумен манге, а ме ка шунав тумен‘“ (Еремија 29:11, 12).

  „Овен паше е Девлеа, хем ов ка овел паше туменцар“ (Јаков 4:8).