ТЕ ЖИВИНА САР ХРИСТИЈАЊА
Нека овел тут доверба ко Јехова кеда о јавера малтретиринена тут
О малтретирибе шај те анел физичко хем емоционално дукх. Ако дараја кеда противинена пе аменге адалеске со служинаја е Јеховаске адава шај те керел аменге штета ко духовно поглед. Сар шај те заштитине тут ако некој малтретиринела тут?
Адалеске со сине лен доверба ко Јехова бут таро лескере слуге успешно боринѓе пе е малтретирибаја (Пс 18:17). На пример, и Естира храбро откринѓа о планија е Аманескере, кова со сине лошно (Ес 7:1-6). Англедер те керел адава, ој сикавѓа доверба ко Јехова аѓаар со постинѓа (Ес 4:14-16). О Јехова благословинѓа лакере постапке, адалеске заштитинѓа ла хем пле народо.
Тернален, ако некој малтретиринела тумен молинен е Јехова баши помош хем керен лафи некасаја сој зрело, сар на пример тумаре родителенцар. Овен сигурна кај о Јехова ка поможинел туменге исто сар со поможинѓа е Естираке. Со јавер шај те поможинел туменге ако некој малтретиринела тумен?
ДИКХ О КЛИПИ МЛЕ ТИНЕЈЏЕРСКА БЕРША — САР ТЕ ИКЉОВАВ КО КРАЈО Е МАЛТРЕТИРИБАЈА?, А ПАЛО АДАВА ОДГОВОРИН КО АКАЛА ПУЧИБА:
Со шај о терне те сикљон таро Чарли хем тари Ферин?
Со шај те сикљон о родителија таро адава со вакерѓе о Чарли хем и Ферин башо адава сар те поможинен пумаре чхавенге ако некој малтретиринела лен?