Корисна предлогија

Одлучин со те проучине прво

Саринен иси амен ограничимо време башо проучибе. Сар шај најшукар те користина адава време со иси амен? Сар прво, ма сиѓар кеда проучинеа. Бут пошукар тано внимателно те проучине похари материјали, него те проучине баро материјали ки сиг.

Пало адава дикх сој тано поважно те проучине (Еф. 5:15, 16). Размислин башо акала предлогија:

• Читин и Библија секова диве (Пс. 1:2). Шај те почмине аѓаар со ка користине о распоред читибаске и Библија таро состанок Амаро живото хем служба.

• Спремин тут баши Стражарско кула хем башо состанок Амаро живото хем служба. Спремин туке коментарија (Пс. 22:22).

• Ако ачхола тут панда време, ле тари јавер да духовно храна, сар сој о списанија баши јавност, о видеоклипија хем о статие со икљона ки jw.org.

• Истражин башо теме со интересинена тут. Шај те истражине башо проблеми колестар со накхеа, башо несаво пучибе со иси тут или баши јекх библиско тема со мангеа те хаљове ла пошукар. Башо повише идее, дикх о дело „Оживеј си ги библиските настани“ ки jw.org.