1. Кој тано о Исус?

О Исус тано моќно ангели кова со живинела ко небо. О Јехова створинѓа ле англедер те керел са о јавера буќа. Адалеске ки Библија пишинела баши лесте кај ов тано „првобијамо таро са сој тано кердо“ (Колошаните 1:15). Исто аѓаар, и Библија вакерела кај о Исус тано е Девлескоро единствено бијамо Чхавоa соске ов сине о единствено со сине створимо директно таро Јехова (Јован 3:16). О Исус керѓа бути пле Дадеа е Јеховаја, аѓаар со поможинѓа леске те створинел са о јавера буќа. (Читин Изреки 8:30.) О Исус понадари да тано бут паше е Јеховаја. Ов верно вакерела е јаверенге е Девлескере лафија хем упатствија хем адалеске баши лесте вакерела пе кај тано „о Лафи“ (Јован 1:14).

Адалеске со о прва мануша, о Адам хем и Ева, на сине послушна е Девлеске, амен грешинаја, цидаја муке хем мераја.a Ама, на сием бизи надеж. О Јехова преку пло Чхаво о Исус Христос, керѓа те ова ослободиме таро грево хем таро мерибе. И Библија сикавела кај о Исус денѓа пло живото сар откупнина. И откупнина тани цена со платинела пе те шај те ослободинел пе некас. И цена со платинѓа о Исус сине лескоро совршено манушикано живото. (Читин Матеј 20:28.) Адалеске со о Исус сине совршено мануш хем секогаш послушно е Јеховаске, ов шај сине те живинел вечно кеда сине теле ки Пхув. Сепак, ов доброволно денѓа пло живото те шај амен палем те добина са адава со нашавѓе о Адам хем и Ева. Адалеа исто аѓаар, о Исус сикавѓа кобор ов хем о Јехова мангена амен. Акаја лекција ка поможинел туке те бајраре тло ценење башо е Исусескоро мерибе.

1. Сави корист иси амен таро е Исусескоро мерибе авдиве?

Адалеске со сием грешникија, амен кераја бут буќа кола со о Јехова на мангела лен. Сепак, ако искрено каинаја амен башо амаре гревија, ако молинаја е Јехова те простинел аменге преку о Исус Христос хем ако трудинаја амен те на повторина адала грешке, шај те ова паше амала е Девлеа (1. Јованово 2:1). И Библија вакерела: „О Христос муло јекх пути хем засекогаш башо гревија, праведнико башо неправедна, те шај те анел тумен ко Девел“ (1. Петрово 3:18).

2. Сави корист ка овел амен таро е Исусескоро мерибе ки иднина?

О Јехова бичхалѓа е Исусе те дел пло совршено манушикано живото „те шај секој со верујнела [ко Исус] те на овел уништимо, него вечно те живинел“ (Јован 3:16). Адалеске со о Исус денѓа пло живото, о Јехова панда хари ка цидел са о лошна последице тари е Адамескири непослушност. Адава значинела кај, ако сикаваја вера ки е Исусескири жртва, ка овел амен прилика те живина засекогаш ко рај ки Пхув (Исаија 65:21-23).

ДОЗНАЈН ПОВИШЕ

3. Е Исусескоро мерибе ослободинела амен таро грево хем таро мерибе

ВИДЕОКЛИПИ: Соске муло о Исус? (прво дело) (2:01)

• Сави прилика нашавѓа о Адам адалеске со на сине послушно е Девлеске?

Читин Римјаните 5:12, а пало адава керен лафи башо акава пучибе:

• Саве последице анѓа туке е Адамескоро грево?

Читин Јован 3:16, а пало адава керен лафи башо акава пучибе:

• Соске о Јехова бичхалѓа пле Чхаве ки Пхув?

1. 1. О Адам сар совршено мануш на сине послушно е Девлеске хем адалеске са о мануша грешинена хем мерена

2. 2. О Исус сар совршено мануш сине послушно е Девлеске хем адалеске са е манушен иси лен прилика те овен палем совршена хем те живинен засекогаш

4. Са е манушен шај те овел лен корист таро е Исусескоро мерибе

ВИДЕОКЛИПИ: Соске муло о Исус? (дујто дело) (2:00)

• Сар шај о мерибе јекхе манушескоро те користинел са е манушенге?

Читин 1. Тимотеј 2:5, 6, а пало адава керен лафи башо акава пучибе:

• О Адам сине совршено мануш, ама адалеске со грешинѓа, акана са о мануша грешинена хем мерена. О Исус сине исто аѓаар совршено мануш. Сар ов обезбединѓа „соодветно откупнина“?

5. И откупнина тани туке поклон таро Јехова

Е Јеховаскере слуге дикхена ки откупнина сар поклон кова со о Јехова денѓа ленге лично. На пример, читин Галатите 2:20, а пало адава керен лафи башо акава пучибе:

• Сар о апостол Павле сикавѓа кај дикхела ки откупнина сар поклон сој дендо лично леске?

Кеда о Адам грешинѓа, ов хем лескере потомција сине осудиме те мерен. Ама, о Јехова бичхалѓа пле Чхаве те мерел те шај тут те овел тут прилика те живине засекогаш.

Џикоте читинеа о следна стихија, замислин туке сар осетинела пе сине о Јехова кеда дикхела сине сар лескоро Чхаво цидела муке. Читин Јован 19:1-7, 16-18, а пало адава керен лафи башо акава пучибе:

• Сар осетинеа тут кеда џанеа со о Јехова хем о Исус керѓе баши туке?

СО СИКЛИЛЕМ

Адалеске со о Исус муло, о Јехова шај те простинел амаре гревија хем шај те живина засекогаш.

Сар ка одговорине?

• Соске муло о Исус?

• Соске е Исусескоро совршено манушикано живото сине соодветно откупнина?

• Сави корист иси амен таро е Исусескоро мерибе авдиве хем сави корист ка овел амен ки иднина?

ИСТРАЖИН

Дикх соске башо е Исусескоро совршено манушикано живото вакерела пе кај тано откупнина.

„Ки која смисла е Исусескири жртва тани ’откупнина буте џененге‘?“ (интернет статија)

Дознајн со ваљани те кера те шај те ова спасиме таро грево хем о мерибе.

„Сар спасинела амен о Исус?“ (интернет статија)

Дали шај о Јехова те простинел чак о сериозна гревија?

„Одговор на библиски прашања“ (Стражарска кула таро 1 мај 2013)

Дикх сар адава со сиклило баши е Исусескири жртва поможинѓа јекхе манушеске те менинел пли личност.

„Повеќе не му робувам на насилството“ (интернет статија)

1. Сар шај те сикава кај сием благодарна башо адава со керѓе аменге о Девел хем о Христос?

И Библија вакерела кај „секој со верујнела [ко Исус]“ ка шај вечно те живинел (Јован 3:16). Сар шај те сикава кај иси амен вера? Адава шај те кера ле преку амаре одлуке хем постапке (Јаков 2:17). Кеда сикаваја вера амаре лафенцар хем амаре постапкенцар, амен оваја попаше амала е Исусеа хем лескере Дадеа, е Јеховаја. (Читин Јован 14:21.)